Video : જાહેરમાં જ એકબીજાને મોઢાથી પાણી પીવડાવતુ કપલ કેમેરામાં કેદ, વીડિયો વાયરલ થયો

સોશિયલ મીડિયાના આ જમાનામાં કેટલાક લોકો અજીબ હરકતો કરીને સોશિયલ મીડિયા પર ચર્ચામાં રહે છે. હવે આવા જ એક કપલનો વીડિયો સોશિયલ મીડિયા પર વાયરલ થઈ રહ્યો છે.

હાલ સોશિયલ મીડિયા પર ઉત્તર પ્રદેશનો એક વીડિયો આગની જેમ વાયરલ થઈ રહ્યો છે. આ કપલ જાહેરમાં જ એવી હરકત કરી રહ્યું છે કે સોશિયલ મીડિયા પર તેને ટ્રોલ કરવામાં આવી રહ્યું છે.

જાહેર પાર્કમાં એક બીજાને મોઢાથી પાણી પીવડાવતુ જોવા મળી રહ્યું છે. ત્યાં હાજર કોઈ વ્યક્તિએ કેમેરામાં કેદ કરીને સોશિયલ મીડિયા પર વાયરલ કરી દીધો. હવે આ વીડિયો જોઈને ફેન્સ કપલને ખરીખોટી સંભળાવી રહ્યા છે.

વીડિયોમાં જોઈ શકાય છે કે એક યુવતી પાર્કમાં બેસીને બોટલમાંથી પાણી પી રહી છે. આ પછી તેનો પાર્ટનર તેની પાસે આવે છે અને તેને રોમેન્ટિક રીતે રિંગ આપે છે. આ પછી મહિલા પુરૂષ તરફ ઝૂકી જાય છે અને તેને મોઢામાં રહેલા પાણીથી જ પાણી પીવડાવે છે.

આ ઘટના સોશિયલ મીડિયા પર ઝડપથી વાયરલ થઈ જતા કેટલાક લોકોએ નોઈડાના ડેપ્યુટી કમિશનર ઑફ પોલીસને પણ ટેગ કર્યા છે. આ ઘટના ધ્યાનમાં લઈને પોલીસે સ્ટેશન ઈન્ચાર્જ સેક્ટર-113 નોઈડાને વિસ્તારમાં પેટ્રોલિંગ અને ચેકિંગ વધારવા માટે નિર્દેશ આપ્યો છે.

આ ઘટના અંગે જાહેર પ્રતિક્રિયાઓ મોટાભાગે નકારાત્મક રહી છે, ઘણા લોકોએ કપલની ક્રિયાઓની જાહેરમાં નિંદા કરી છે. વીડિયો જોયા બાદ કેટલાકે પોલીસ કાર્યવાહીની માંગ કરી તો કેટલાક તેને અભદ્ર ગણાવી રહ્યા છે.

English summary

Video: Couple drinking water from mouth to each other in public caught on camera, video goes viral