જાણો : બેંકોની ટેક્સ સેવિંગ ફિક્સ ડિપોઝિટની 6 હકીકતો

Published: Tuesday, October 7, 2014, 16:51 [IST]

બેંકોની ટેક્સ સેવિંગ ફિક્સ્ડ ડિપોઝિટ ઇન્કમ ટેક્સ કાયદાની કલમ 80C હેઠળ કર લાભ આપે છે. આનો સીધો અર્થ એ છે કે જો આપની આવક કરપાત્ર હોય અને આપ કરલાભ આપતી બેંક ફિક્સ્ડ ડિપોઝિટમાં રોકાણ કરો તે તેટલી રકમ આપની કરપાત્ર રકમમાંથી બાદ મળે છે. જેના કારણે આપની કર જવાબદારી ઘટે છે.

ટેક્સ સેવિંગ ફિક્સ્ડ ડિપોઝિટ જ્યારથી રજૂ કરવામાં આવી છે ત્યારથી તે રોકાણકારોમાં અત્યંત લોકપ્રિય છે. આ કારણે હવે તે કર બચતનું આકર્ષક અને લોકપ્રિય સાધન છે. જો કે ટેક્સ સેવિંગ ફિક્સ્ડ ડિપોઝિટમાં નાણા રોકતા સમયે આપે આટલી હકીકતો જાણવી જરૂરી છે...

જોઇન્ટ હોલ્ડર્સ હોય તો બંનેને લાભ ના મળે

જો આપે સંયુક્ત નામે ટેક્સ સેવિંગ બેંક ડિપોઝિટમાં રોકાણ કર્યું હોય તો બંને જોઇન્ટ હોલ્ડર્સને કરલાભ મળશે નહીં. આ લાભ માત્ર પ્રથમ નામ ધરાવનારી વ્યક્તિને જ મળશે.

સર્ટિફિકેટ ચકાસો

આપ ટેક્સ સેવિંગ ફિક્સ્ડ ડિપોઝિટમાં રોકાણ કર્યા બાદ તેનું સર્ટિફિકેટ અવશ્ય ચકાસો કે આપ જેમાં રોકાણ કરવા માંગતા હતા તેમાં જ થયું છે કે નહીં? કેટલીક વાર બેંકો ભૂલથી ટેક્સ સેવિંગને બદલે સાદી એફડી બનાવે છે જેના કારણે મુશ્કેલી ઉભી થાય છે.

ટેક્સ સેવિંગ એફડીનું વ્યાજ કરપાત્ર

રોકાણકારોએ એક વાત ખાસ ધ્યાનમાં રાખવા જેવી છે કે ટેક્સ સેવિંગ એફડી આપની કરપાત્ર આવક પર કરલાભ આપે છે. પરંતુ આ એફડીમાંથી મળતી આવક કરપાત્ર છે.

ઓટો સ્વીપ ઉપલબ્ધ નથી

આ એકાઉન્ટ સેવિંગ એકાઉન્ટ સાથે ઓટો સ્વીપ થઇ શકતું નથી. આથી એવી આશા ના રાખશો કે તમે એક આપશો એ ફિક્સ ડિપોઝિટ એકાઉન્ટમાંથી ઓટો સ્વીપ થઇને સેવિંગ એકાઉન્ટમાં જશે.

5 વર્ષનો લાંબો લોક ઇન પીરિયડ

ટેક્સ સેવિંગ ફિક્સ ડિપોઝિટ્સમાં લોક ઇન પીરિયડ 5 વર્ષનો છે. આ કારણે આપ નાણાભીડમાં પણ નાણા ઉપાડી શકશો નહીં. લોક ઇન પીરિયડમાં માત્ર પ્રથમ હોલ્ડરનું મૃત્યુ થતાં આપ રકમ ઉપાડી શકો છો.