ગાત્રો થીજવતી ઠંડીએ સુરતનો છેલ્લા 15 વર્ષનો રેકોર્ડ તોડ્યો!
છેલ્લા કેટલાક દિવસોથી સમગ્ર ગુજરાતમાં કાતિલ ઠંડી પડી રહી છે. સુરતમાં પણ પારો ગગડી રહ્યો છે. સામાન્ય રીતે સુરતમાં શિયાળામાં પણ હવામાન ખુશનુમા રહે છે અને અપવાદરૂપે લોકોને શિયાળામાં ગરમ કપડાંની જરૂર પડતી હોય છે.
સુરત : છેલ્લા કેટલાક દિવસોથી સમગ્ર ગુજરાતમાં કાતિલ ઠંડી પડી રહી છે. સુરતમાં પણ પારો ગગડી રહ્યો છે. સામાન્ય રીતે સુરતમાં શિયાળામાં પણ હવામાન ખુશનુમા રહે છે અને અપવાદરૂપે લોકોને શિયાળામાં ગરમ કપડાંની જરૂર પડતી હોય છે. પરંતુ જાન્યુઆરી 2022માં ઠંડીનો રેકોર્ડ તૂટી ગયો છે.
સોમવાર 24 જાન્યુઆરીએ સુરત શહેરનું લઘુત્તમ તાપમાન 10.2 ડિગ્રી સેલ્સિયસ હતું. જાન્યુઆરી મહિનામાં સુરત શહેરમાં શિયાળાનો છેલ્લા 15 વર્ષનો આ રેકોર્ડ છે. અગાઉ 2011માં જાન્યુઆરી મહિનામાં લઘુત્તમ તાપમાન 10.5 ડિગ્રી નોંધાયું હતું. ઠંડીની મોસમમાં ફેબ્રુઆરી મહિનાની વાત કરીએ તો ફેબ્રુઆરી 2012માં 9.3 ડિગ્રી સેલ્સિયસ તાપમાન નોંધાયું હતું. આ વખતે ફેબ્રુઆરીમાં પણ ઠંડીનો આ ટ્રેન્ડ ચાલુ રહેશે કે કેમ તે તો સમય જ કહેશે.
કોઈ પણ સંજોગોમાં લોકો ઠંડીનો ભરપૂર આનંદ માણી રહ્યા છે. જે લોકો ઠંડીને સહન કરી શકે છે તેઓ વહેલી સવારે ઘરની બહાર ફરવા, ગરમાગરમ સુરતી નાસ્તો અને ચાની ચુસ્કીઓ લઈને ઠંડીનો આનંદ માણી રહ્યા છે. જેમને ઠંડીમાં બહાર જવાનું ગમતું નથી તેઓ બેડરૂમમાં રજાઈ ઓઢીને ઠંડીની મજા માણી રહ્યા છે.
ઉલ્લેખનિય છે કે, આગામી દિવસોમાં હજુ પણ ગુજરાતમાં પણ ઠંડી વધવાની સંભાવના છે, હવામાન વિભાગે કોલ્ડ વેવની આગાહી કરી છે.
Click it and Unblock the Notifications
Sign in with Google
