મસ્કની ચેતવણી બાદ ટ્વીટરમાં સામુહિક રાજીનામાની ભરમાર, ઘણી ઓફિસ પર લાગ્યા તાળા
માઇક્રો બ્લોગિંગ સાઇટ ટ્વીટરની માલિકી મેળવ્યા બાદ દુનિયાના સૌથી ધનિક વ્યક્તિ એલન મસ્ક કંપનીમાં સતત ફેરફારો કરી રહ્યા છે. આ અંતર્ગત તેઓ એવા કર્મચારીઓને ટાર્ગેટ કરી રહ્યા છે, જેઓ તેમની પોલિસીનું પાલન કરતા નથી.
માઇક્રો બ્લોગિંગ સાઇટ ટ્વીટરની માલિકી મેળવ્યા બાદ દુનિયાના સૌથી ધનિક વ્યક્તિ એલન મસ્ક કંપનીમાં સતત ફેરફારો કરી રહ્યા છે. આ અંતર્ગત તેઓ એવા કર્મચારીઓને ટાર્ગેટ કરી રહ્યા છે, જેઓ તેમની પોલિસીનું પાલન કરતા નથી. આ સાથે ટ્વીટરના કર્મચારીઓ પર મસ્ક દ્વારા કામનું દબાણ સતત વધારવામાં આવી રહ્યું છે.
આ વચ્ચે એલોન મસ્કે તમામ કર્મચારીઓને એક મેઇલ કર્યો હતો કે, તમે 3 મહિનાનો પગાર લઇને રાજીનામુ આપી દો અથવા હાર્ડ વર્ક કરવા તૈયાર રહો. મસ્કની આ ચેતવણી બાદ ટ્વીટરમાં ભૂકંપ આવ્યો હતો. એક સાથે 100 થી વધુ કર્મચારીઓએ સામુહિક રાજીનામુ આપ્યુ છે. આ સાથે સાથે જે ઓફિસમાં સામુહિક રાજીનામા પડ્યા છે, તે ઓફિસને બંધ કરવામાં આવી રહી છે.
મસ્કની પોલિસીથી કર્મચારીઓમાં ડરનો માહોલ
ઉલ્લેખનીય છે કે, એલોન મસ્કે ટ્વીટરના લગભગ અડધા કર્મચારીઓને કંપનીમાંથી કાઢી નાખ્યા છે. એટલું જ નહીં, તેમણે હવે ટ્વીટરમાં ઘરેથી કામ ( વર્ક ફ્રોમ હોમ ) સંપૂર્ણપણે સમાપ્ત કરી દીધું છે. કર્મચારીઓ તેમની નીતિથી એટલા ડરી ગયા છે કે, તેઓ રાત્રે પણ ઓફિસમાં સૂઈ જાય છે.
મસ્ક વતી કર્મચારીઓને એક ફોર્મ ભરવા માટે પણ કહેવામાં આવ્યું હતું, જેમાં તે કામ કરવાની પરિસ્થિતિઓ વિશે લખેલું હતું. જો કોઈ કર્મચારી આમ કરવામાં નિષ્ફળ જાય તો તેને ત્રણ મહિના માટે વિચ્છેદનો પગાર મળશે.
નવા નેતૃત્વની શોધમાં Twitter
વિશ્વના સૌથી ધનિક વ્યક્તિ એલોન મસ્ક હવે માઇક્રો-બ્લોગિંગ સાઇટ ટ્વીટર માટે નવા નેતૃત્વની શોધમાં છે. મસ્ક એવા નેતૃત્વની શોધમાંછે, જે તેની જવાબદારી યોગ્ય રીતે નિભાવી શકે.
મસ્ક શક્ય તેટલી વહેલી તકે ટ્વીટરની સિસ્ટમનું પુનર્ગઠન કરીને ટેસ્લાને સમય આપવામાંગે છે, કારણ કે મસ્કની વ્યસ્તતા ટેસ્લાના રોકાણકારને ચિંતા કરી રહી છે.
મસ્કે તેમના નિવેદનમાં જણાવ્યું છે કે, કંપનીના અધિગ્રહણ પછી, હું શક્ય તેટલી વહેલી તકે તેનું પુનર્ગઠન કરવા માંગુ છું, જેથી કરીને હું મારા અન્ય સહયોગીઓને પણ સમય આપી શકું.
ચેતવણી બાદ મસ્ક પોતે પણ ડરી ગયા છે
મસ્કએ હાલમાં ટ્વીટર ઓફિસો પણ બંધ કરી દીધી છે, જ્યાં કર્મચારીઓને કાઢી મૂકવામાં આવે છે, કારણ કે મસ્ક અને તેની નેતૃત્વ ટીમનેડર છે કે, છૂટા કરાયેલા કર્મચારીઓ કંપનીમાં તોડફોડ કરવાનો પ્રયાસ કરશે. આવા સમયે, મીડિયા અહેવાલોમાં સમાચાર આવી રહ્યા છે કે,ટ્વીટરની ઓફિસો 21 નવેમ્બરના રોજ ફરીથી ખુલશે.
પોતાના જોખમે કર્મચારીઓ લે વર્ક ફ્રોમ હોમ
ટ્વીટરના માલિક એલોન મસ્કે હવે કર્મચારીઓને વધુ એક નવો આદેશ આપ્યો છે. આ હેઠળ તેમણે મેનેજરોને તેમની ટીમના સભ્યોનેજોખમમાં કામ કરવાની મંજૂરી આપવા જણાવ્યું છે.
Click it and Unblock the Notifications
Sign in with Google
