સતત 16મા દિવસે વધ્યા પેટ્રોલ અને ડીઝલના ભાવ, જાણો આજનો રેટ
સતત 16મા દિવસે વધ્યા પેટ્રોલ અને ડીઝલના ભાવ, જાણો આજનો રેટ
નવી દિલ્હીઃ પેટ્રોલ અને ડીઝલના રેટમાં સતત વધારો થઇ રહ્યો છે. આજે ફરી એકવાર રેટ વધ્યા છે. જણાવી દઇએ કે આજે સતત 16મા દિવસે પેટ્રોલ અને ડીઝલના ભાવમાં વધારો નોંધાયો છે. પેટ્રોલના ભાવમાં આજે 33 પૈસા પ્રતિ લીટરે વધારો થયો છે જ્યારે ડીઝલના રેટમાં 58 પૈસા પ્રતિ લીટરે વધારો નોંધાયો છે. જે બાદ દિલ્હીમાં આજે પેટ્રોલ 79.56 રૂપિયા પ્રતિ લીટરે મળી રહ્યું છે જ્યારે ડીઝલ 78.85 રૂપિયા પ્રતિ લીટરે મળી રહ્યું છે.
જણાવી દઇએ કે આખો દેશ કોરોના વાયરસ સામે લડી રહ્યો છે, જેના કારણે મહિનાઓ સુધી દેશ લૉકડાઉનમાં રહ્યો, જેને પગલે લોકોના રોજગાર છીનવાઇ ગયા, તમામ ઉદ્યોગ ધંધા બંધ થઇ ગયા અને લોકો મુશ્કેલ સમયમાંથી પસાર થઇ રહ્યા છે. પરંતુ આ બધાની વચ્ચે પેટ્રોલ અને ડીઝલના ભાવમાં પાછલા 16 દિવસથી દરરોજ વધારો થઇ રહ્યો છે. પેટ્રોલ અને ડીઝલમા દરરોજ થતા વધારાએ સામાન્ય નાગરિકોની કમર તોડી નાખી છે. લોકો સરકારને અપીલ કરી રહ્યા છે કે પેટ્રોલ અને ડીઝલના ભાવ ઘટાડવામાં આવે અને મુશ્કેલીના સમયમાં લોકોને રાહત આપવામા આવે.
અગાઉ પેટ્રોલિયમ કંપનીઓએ રવિવારે પેટ્રોલના ભાવમાં 35 પૈસા પ્રતિ લીટરે વધારો કર્યો હતો, જ્યારે ડીધલના ભાવમાં 60 પૈસા પ્રતિ લીટરે વધારો કર્યો હતો. જે બાદ દિલ્હીમાં પેટ્રોલના ભાવ 79.23 રૂપયા પ્રતિ લીટર જ્યારે ડીઝલના રેટ 78.27 રૂપયા પ્રતિ લીટર થઇ ગયા હતા. શનિવારે પેટ્રોલના ભાવ 78.88 રૂપિયા પ્રતિ લીટર હતા જ્યારે ડીઝલના ભાવ 77.67 રૂપિયા પ્રતિ લીટર હતા.
ગરીબ કલ્યાણ રોજગાર અભિયાન અંતર્ગત ઘરે રહીને દરરોજના 202 રૂપિયા કમાવાનો મોકો