પેટ્રોલ-ડીઝલની કિંમતોએ તોડ્યા બધા રેકોર્ડ, જાણો આજની કિંમત
પેટ્રોલ-ડીઝલની કિંમતોએ તોડ્યા બધા રેકોર્ડ, જાણો આજની કિંમત
અમદાવાદઃ પેટ્રોલ-ડીઝલની વધી રહેલી કિંમતોએ સામાન્ય નાગરિકોની મુશ્કેલી વધારી છે. આજે ફરી પેટ્રોલ અને ડીઝલના ભાવમાં વધારો નોંધાયો છે. આજે 14 પૈસાના ભાવ વધારા સાથે પેટ્રોલ 83.09 રૂપિયાની સપાટી પર પહોંચી ગયું છે જ્યારે 22 પૈસાના વધારા સાથે ડીઝલ 80.98 રૂપિયાની સપાટી પર પહોંચી ગયું છે. ઉલ્લેખનીય છે કે બુધવારે પેટ્રોલ-ડીઝલમાં વધારો કે ઘટાડો નહોતો થયો.
ચાર મેટ્રો શહેર મુંબઈ, દિલ્હી, કોલકાતા અને ચેન્નઈમાં પણ પેટ્રોલ-ડીઝલના ભાવમાં વધારો નોંધાયો છે. દિલ્હીમાં આજે ટ્રોલમાં 15 પૈસા જ્યારે ડીઝલમાં 20 પૈસાનો ભાવ વધારો જોવા મળ્યો છે. નવી કિંમતો લાગુ થયા બાદ પેટ્રોલ લીટર દીઠ 84 રૂપિયા અને ડીઝલ લીટર દીઠ 75.45 રૂપિયામાં મળી રહ્યું છે. પાછલા કેટલાય દિવસથી પેટ્રોલ અને ડીઝલની કિંમતોમાં સતત ભાવ વધારો થઈ રહ્યો છે.
આ પણ વાંચો- અત્યારસુધીના સૌથી નીચલા સ્તરે રૂપિયો, 73.33 રૂપિયા પ્રતિ ડોલર
જ્યારે મુંબઈની વાત કરીએ તો અહીં પેટ્રોલની કિંમતોએ પણ રેકોર્ડ તોડ્યો છે. અહીં પેટ્રોલ 91 રૂપિયા પ્રતિ લીટરની સપાટી પર પહોંચી ગયું છે. પેટ્રોલની કિંમતાં મુંબઈમાં 14 પૈસાનો વધારો થયો છે જ્યારે ડીઝલના ભાવમાં 21 પૈસાનો વધારો ઝીંકાયો છે. નવી કિંમતો લાગુ થયા બાદ મુંબઈમાં પેટ્રોલ 91.34 રૂપિયા અને ડીઝલ 80.10 રૂપિયાની સપાટી પર પહોંચી ગયું છે. મુંબઈમાં પેટ્રોલ અને ડીઝલ ઉચ્ચતમ સ્તરે પહોંચી ગયું છે.
આ પણ વાંચો- પેટ્રોલ-ડીઝલની વધતી કિંમતોથી પંપ માલિકો પણ પરેશાન