Petrol-Diesel Rates: પેટ્રોલ-ડીઝલની નવી કિંમતો જાહેર, જાણો આજના રેટ

Published: Sunday, July 11, 2021, 10:21 [IST]

રવિવારે ઓઈલ કંપનીઓએ નાગરિકોને રાહત આપી છે, આજે પેટ્રોલ કે ડીઝલના રેટમાં કોઈપણ પ્રકારની વધઘટ જોવા મળી નથી, જ્યારે શનિવારે પેટ્રોલની કિંમતમાં 35 પૈસાનો વધારો થયો હતો અને ડીઝલના રેટમાં 26 પૈસાનો વધારો થયો હતો. વધતી કિંમતને કારણે હાલ પેટ્રોલ-ડીઝલના ભાવ રેકોર્ડ સ્તરે પહોંચી ગયા છે. ઉલ્લેખનીય છે કે પેટ્રોલ અને ડીઝલની નવી કિંમતો દરરોજ સવારે 6 વાગ્યે જાહેર થાય છે.

જુલાઈ મહિનામાં અત્યાર સુધીમાં 6 વખત પેટ્રોલના ભાવ વધ્યા

ઉલ્લેખનીય છે કે 5 રાજ્યોની વિધાનસભા ચૂંટણીના પરિણામ આવ્યા બાદથી 4 મેથી અત્યાર સુધી 38 વખત પેટ્રોલ અને 37 વખત ડીઝલના ભાવ વધી ચૂક્યા છે. જુલાઈ મહિનામાં અત્યાર સુધી 6 દિવસ પેટ્રોલના ભાવ અને 4 દિવસ ડીઝલના ભાવ વધી ચૂક્યા છે. જણાવી દઈએ કે 135 જિલ્લામાં પેટ્રોલના ભાવ 100 રૂપિયાને પાર થઈ ચૂક્યા છે.