આર્થિક સુધારાથી સેન્સેક્સ 15 મહિનાની ઊંચી સપાટીએ

મુંબઇ, 5 ઑક્ટોબર : કેન્દ્ર સરકારે ગુરુવારે જાહેર કરેલા સુધારાના નવા પગલાંને આધારે આજે સવારે સેન્સેક્સ છેલ્લા 15 મહિનાની સૌથી ઊંચી સપાટી પર પહોંચ્યો હતો. બીએસઇનો બેન્ચમાર્ક ઇન્ડેક્સ સેન્સેક્સ આજે સવારે 0.15 ટકા એટલે કે 27.96 પોઇન્ટ વધીને 19,086.11 પોઇન્ટના સ્તરે ટ્રેડ થઇ રહ્યો હતો.

કેન્દ્ર સરકારે ઇન્શ્યોરન્સ ક્ષેત્રમાં એફડીઆઇની મર્યાદામાં વધારો અને પેન્શન ક્ષેત્રમાં એફડીઆઇને મંજૂરી આપી હતી. આ પગલાંને આવકારતા માર્કેટે આજે તેજીનું વલણ દર્શાવ્યું હતું. નેશનલ સ્ટોક એક્સચેન્જ (એનએસઇ)નો નિફ્ટિ પણ 0.09 ટકા એટલે કે 5.35 પોઇન્ટના વધારા સાથે 5793.05 પોઇન્ટ પર ટ્રેડ થઇ રહ્યો હતો.

સરકારે ઇન્શ્યોરન્સમાં એફડીઆઇની મર્યાદા 26 ટકાથી વધારીને 49 ટકા કરી છે. આ સાથે પેન્શન સેક્ટરમાં પણ એફડીઆઇને મંજુરી આપી છે. આ સાથે એશિયાના માર્કેટમાં પણ જોવા મળેલા મક્કમ વધારાના પગલાંએ માર્કેટને પ્રોત્સાહન આપ્યું છે.

English summary

Rising for the fifth straight day, the 30-share Sensex touched fresh 15-month high, rose by 27.96 points, or 0.15 per cent, to 19,086.11 points.