લેવાલીને પગલે સેન્સેક્સ 51 પોઇન્ટ અપ

મુંબઇ, 18 ઑક્ટોબર : આજે દિવસની શરૂઆતમાં બીએસઇનો બેન્ચમાર્ક સેન્સેક્સ 51 પોઇન્ટના વધારા સાથે ખૂલ્યો હતો. ગ્લોબલ ટ્રેન્ડ અને રોકાણકારોએ લેવાલી કરતા માર્કેટ વધારા સાથે ટ્રેડ થઇ રહ્યું હતું.

આજે સેન્સેક્સનો 30 શેર્સનો બેરોમીટર ગઇકાલના 33.07 પોઇન્ટના વધારા બાદ આજે 0.28 ટકા એટલે કે 51.50 પોઇન્ટ વધીને 18,662.27 પોઇન્ટ પર ટ્રેડ થઇ રહ્યો હતો. આ સેશનમાં ખાસ કરીને ઓટો, કન્ઝ્યુમર ડ્યુરેબલ્સ, બેંકિંગ સેક્ટર્સના શેર્સમાં રિકવરી જોવા મળી હતી.

બીજી તરફ એનએસઇના બેંચમાર્ક નિફ્ટીમાં પણ 0.25 ટકાનો વધારો જોવા મળ્યો છે. આજે સવારે નિફ્ટી 14.35 પોઇન્ટ વધીને 5,674.60 પોઇન્ટ પર ટ્રેડ થઇ રહ્યો હતો. બ્રોકર્સનું માનવું છે કે માર્કેટમાં નવી ખરીદીને કારણે સકારાત્મક વલણ જોવા મળ્યું છે.

English summary

Sensex up 51 points in early trade on funds buying.