FACT CHECK: શું અમિતાભ બચ્ચને દાઉદ સાથે મીલાવ્યો હાથ? જાણો ફોટાની સચ્ચાઈ

અમિતાભ બચ્ચનનો એક ફોટો વાયરલ થઈ રહ્યો છે સાથે જ તેના વિશે ઘણા પ્રકારના દાવા કરવામાં આવી રહ્યા છે. જાણો તેની હકીકત

નવી દિલ્લીઃ સુશાંત સિંહ રાજપૂતના મોત બાદથી બૉલિવુડમાં હોબાળો ચાલુ છે. હાલમાં જ કંગના રનૌત અને ભાજપ સાંસદ રવિ કિશને બી ટાઉનમાં ડ્રગ્ઝનો મુદ્દો ઉઠાવ્યો હતો જેના પર જયા બચ્ચને પલટવાર કર્યો. ત્યારબાદ સુશાંત અને કંગનાના ફેન્સના નિશાના પર બચ્ચન પરિવાર છે. આ દરમિયાન અમિતાભ બચ્ચનનો એક ફોટો વાયરલ થઈ રહ્યો છે સાથે જ તેના વિશે ઘણા પ્રકારના દાવા કરવામાં આવી રહ્યા છે.

અમિતાભ બચ્ચનનો ફોટો શેર કરીને એક ટ્વિટર યુઝરે લખ્યુ કે અમિતાભ સાથે ફોટામાં કોણ છે. શું આ મોસ્ટ વૉન્ટેડ ગુનેગાર દાઉદ ઈબ્રાહીમ છે. શું અમિતાભ હજુ પણ દાઉદના સંપર્કમાં છે. અંતમાં ટ્વિટર યુઝરે લખ્યુ કે હું નથી જાણતો કે આ સાચુ છે કે નહિ, આ ફોટો મે ફેસબુકમાંથી લીધો છે. ત્યારબાદ અમિતાભ બચ્ચના ટીકાકારો આ ફોટોને ઝડપથી વાયરલ કરવા લાગ્યા.

જ્યારે અમારી ટીમે તપાસ કરી તો ફોટાનુ સત્ય કંઈ બીજુ નીકળ્યુ. આ ફોટામાં અમિતાભ બચ્ચન સાથે દેખાઈ રહેલ વ્યક્તિ મહારાષ્ટ્રન પૂર્વ મુખ્યમંત્રી અશોક ચવ્હાણ છે. ફોટો ઘણો જૂનો અને ધૂંધળો છે જેના કારણે ઘણા લોકો અશોક ચવ્હાણને દાઉદ ગણાવીને ખોટા દાવા સાથે ફોટો વાયરલ કરી રહ્યા છે. આ પહેલા બીજો એક ફોટો વાયરલ થયો હતો જેમાં દાવો કરવામાં આવ્યો હતો કે દીપિકા રણબીર દાઉદ સાથે હતા, તે દાવો પણ ખોટો નીકળ્યો હતો.

#Who is seen with Amitabh Bachchan on the picture!
Is he the world's notorious terrorist Dawiod Ibrahim!
But is Amitabh Bachchan still in touch with Dawood?
N.B. This picture was taken from facebook,I don't know it's reality. pic.twitter.com/vATAMY37R1

— PROTEST AGAINST INJUSTICE (@SANJITS60536832) September 17, 2020

English summary

Fact Check: Amitabh Bachchan shake hands with most wanted Dawood Ibrahim, Know the truth here.