તમારું બાળક પણ મોબાઈલથી ચોંટેલું રહે છે તો લત છોડાવવા આ ટીપ્સ અજમાવો!
મોબાઈલ અને ઈન્ટરનેટના આ યુગમાં સ્માર્ટફોન આપણા જીવનનો આવશ્યક ભાગ બની ગયો છે. તેના ઉપયોગથી જ્યાં રોજબરોજના ઘણા કામો આસાન બન્યા છે તો બીજી તરફ બીજી સમસ્યા પણ ઉભી થઈ છે.
મોબાઈલ અને ઈન્ટરનેટના આ યુગમાં સ્માર્ટફોન આપણા જીવનનો આવશ્યક ભાગ બની ગયો છે. તેના ઉપયોગથી જ્યાં રોજબરોજના ઘણા કામો આસાન બન્યા છે તો બીજી તરફ બીજી સમસ્યા પણ ઉભી થઈ છે. મોબાઈલ ફોનને વળગી રહેતી નવી પેઢીના બાળકોની આ સમસ્યા છે. લગભગ દરેક માતા-પિતાને એક સમસ્યા હોય છે કે તેમનું બાળક દિવસભર મોબાઈલ ફોનમાં વ્યસ્ત રહે છે. આ આદત બાળકોમાં વ્યસન બની રહી છે. આ કારણે ન માત્ર તેમનો વિકાસ રૂંધાઈ રહ્યો છે પરંતુ ઘણી માનસિક સમસ્યાઓ પણ જન્મ લઈ રહી છે. આજે અમે તમને કેટલીક એવી ટિપ્સ જણાવીશું જે બાળકને મોબાઈલ ફોનથી દૂર રાખવામાં મદદ કરી શકે છે.
આઉટડોર ગેમ્સ
છેલ્લા લગભગ બે વર્ષથી કોરોનાના કારણે બાળકો ઘરોમાં કેદ છે. તે સ્પષ્ટ છે કે તેમનામાં મેદાનની રમત રમવાની આદત ઘટી ગઈ છે. આવી સ્થિતિમાં તેમને ઘરની બહાર જઈને ફરીથી મેદાનમાં રમવા માટે પ્રેરિત કરવા જરૂરી છે. જો શક્ય હોય તો તેમની સાથે કેટલીક આઉટડોર રમતોમાં જાતે વ્યસ્ત રહો.
પ્રકૃતિ અને પર્યાવરણ પ્રેમ
બાળકોને પ્રકૃતિ અને પર્યાવરણ સાથે જોડવાનો પ્રયાસ કરો. તેમને જંગલ, પ્રાણીઓ અને પાણીના મહત્વ વિશે જાગૃત કરો. તેમને એવી જગ્યાઓ પર લઈ જાઓ જ્યાં તેઓ કુદરતી સૌંદર્ય જોઈ શકે અને અનુભવી શકે. આ માટે કોઈપણ મોંઘા હિલ સ્ટેશન કે ટુરિસ્ટ સ્પોટ પર જવું જરૂરી નથી. બાળકોને ઘરની નજીકના પાર્ક અથવા તળાવ પર પણ લઈ જઈ શકાય છે.
પુસ્તકોમાં રસ જગાવો
ઈન્ટરનેટના આ યુગમાં લોકોનું પુસ્તકોથી અંતર વધી રહ્યું છે. આવી સ્થિતિમાં જરૂરી છે કે આપણે પોતે સારા પુસ્તકો વાંચવાની ટેવ પાડીએ અને બાળકોને પણ તે માટે પ્રેરિત કરીએ. બાળકોને તેમની રુચિ અનુસાર સારા અને રસપ્રદ પુસ્તકો આપો. તેમની સાથે પુસ્તકો વિશે પણ ચર્ચા કરો. આનાથી તેમને પુસ્તકોમાં રસ પડશે.