Mothers Day 2023 : શા માટે ઉજવાય છે મધર્સ ડે? જાણો ઇતિહાસ અને મહત્વ

Mothers Day 2023 : નિસ્વાર્થ પ્રેમ શું હોય છે, એ આપણને આપણી માતા પાસેથી જાણવા મળે છે. માતા આપણને જીવન આપવાની સાથે જીવનભર પ્રેમ અને સીખ આપે છે. જો તમે તમારા વ્યસ્ત જીવનમાંથી થોડો સમય કાઢો અને વિચારો કે, આજે તમે જે કંઇ પણ છો, જે કંઇપણ બની શક્યા છો, એ પાછળ માતાનો મોટો હાથ હોય છે.

માતાઓના બલિદાનને માન આપવા માટે એક દિવસ પૂરતો નથી, પરંતુ તેમ છતાં માતાઓ તેમના સમગ્ર જીવન આપણા પર વરસાવેલા પ્રેમને માન આપવા માટે દર વર્ષે મે મહિનાના બીજા રવિવારના રોજ સમગ્ર વિશ્વમાં મધર્સ ડે ઉજવવામાં આવે છે.

Mothers Day 2023ની ઉજવણી

મધર્સ ડે એ એક ખાસ દિવસ છે, જે સમગ્ર વિશ્વની માતાઓને આદર આપવા માટે ઉજવવામાં આવે છે. આ દિવસે બાળકો તેમની માતા સાથે સમય વિતાવે છે અથવા તેમને ભેટ આપીને અથવા તેમના માટે કંઈક વિશેષ કરીને તેમના પ્રત્યેનો પ્રેમ અને કૃતજ્ઞતા વ્યક્ત કરે છે. આ વર્ષે મધર્સ ડે 14 મે, રવિવારના રોજ ઉજવવામાં આવી રહ્યો છે.

Mothers Day 2023નો ઇતિહાસ

મધર્સ ડે માતૃત્વની ઉજવણી કરતો પ્રાચીન ગ્રીક અને રોમન તહેવાર માનવામાં આવે છે, જેમાં માતા દેવી રિયાની પૂજા કરવામાં આવતી હતી. જે બાદ ક્રિશ્ચિયન ધર્મે પણ મધર મેરીના સન્માન માટે તેને અપનાવ્યો હતો. આ તહેવારને મધરિંગ સન્ડે નામ આપવામાં આવ્યું હતું.

અમેરિકામાં Mothers Day 2023 ની શરૂઆત અન્ના જાર્વિસ દ્વારા કરવામાં આવી હતી, જેઓ તેની માતા એન રીવ્સ જાર્વિસનું સન્માન કરવા માગતી હતી. એન એક શાંતિ કાર્યકર્તા હતી, જેણે અમેરિકન ગૃહ યુદ્ધની બંને બાજુએ ઘાયલ સૈનિકોની સંભાળ રાખી હતી.

અન્નાએ વેસ્ટ વર્જિનિયામાં તેની માતા માટે એક સ્મારકનું આયોજન કર્યું અને મધર્સ ડેને માન્યતાપ્રાપ્ત રજા બનાવવા માટે ઝુંબેશ ચલાવી હતી. જે બાદ વર્ષ 1914 માં, મધર્સ ડેને અમેરિકામાં રાષ્ટ્રીય રજા તરીકે માન્યતા આપવામાં આવી હતી. દર વર્ષની સાથે સાથે આ તહેવાર અન્ય દેશોમાં પણ ફેલાઈ ગયો અને આજે તે સમગ્ર વિશ્વમાં ઉજવવામાં આવે છે.

Mothers Day 2023નું મહત્વ

મધર્સ ડે આપણા બધાના જીવનમાં ખૂબ મહત્વ ધરાવે છે. કારણ કે, તે આપણી માતાઓને સમર્પિત એક ખાસ દિવસ છે, જે આપણા હૃદયમાં ખૂબ જ વિશિષ્ટ સ્થાન ધરાવે છે. ભારતમાં આ દિવસ મે મહિનાના બીજા રવિવારના રોજ ઉજવવામાં આવે છે. જ્યારે અન્ય દેશોમાં તે વર્ષના જુદા જુદા દિવસોમાં ઉજવવામાં આવે છે.

English summary

Mother's Day 2023 : Why is Mother's Day celebrated? Know the history and significance