બહુ જલ્દી બેડરૂમમાં પાર્ટનરની જગ્યા લેવા જઈ રહ્યા છે રોબોટ? જાણો થઈ રહેલા દાવા કેટલા સાચા?

આ દિવસોમાં સોશિયલ મીડિયા પર સેક્સ રોબોટની ખુબ ચર્ચા થઈ રહી છે. ગૂગલના પુર્વ કર્મચારીના એક દાવા બાદ દુનિયાભરમાં એક મોટી ડિબેટ છેડાઈ છે અને દાવા-દલીલ થઈ રહી છે.

હાલમાં જ ગૂગલના પૂર્વ એક્ઝિક્યુટિવે આવનારા વર્ષોમાં મનુષ્યના સેક્સ લાઇફમાં AIના સંભવિત પ્રભાવ વિશે કેટલીક મોટી આગાહીઓ કરી હતી. મોટા દાવા કરતા તેમણે કહ્યું છે કે, તે દિવસ નજીક છે જ્યારે AI બેડરૂમમાં પાર્ટનરનું સ્થાન લઈ લેશે.

એક પોડકાસ્ટમાં યુટ્યુબ પર વાત કરતા ગૂગલના પૂર્વ એક્ઝિક્યુટિવ મોહમ્મદ મો ગૌદતે એઆઈની આગાહી ક્ષમતાઓ વિશે વાત કરી, જે આપણે નજીકના ભવિષ્યમાં જોઈશું અને તે કેવી રીતે આપણને વાસ્તવિક જાતીય ઉત્તેજના અને અનુભવોમાં મદદ કરશે.

ઈમ્પેક્ટ થિયરી વિશે વાત કરતા મોહમ્મદે સમજાવ્યું છે કે, નવી ટેક્નોલોજી એઆઈ દ્વારા સંચાલિત હશે અને એપલના વિઝન પ્રોની જેમ તે આપણને વર્ચ્યુઅલ રિયાલિટીમાં લઈ જશે, જ્યાં આપણને એવું લાગશે કે જાણે આપણે વાસ્તવિક સેક્સ રોબોટ્સ સાથે કામ કરી રહ્યા છીએ.

પોતાની વાતનો વિસ્તાર કરતા મોહમ્મદે જણાવ્યું કે, માનવ મગજ માટે વર્ચ્યુઅલ વસ્તુઓને વાસ્તવિક સમજવાની ભૂલ કરવી સરળ છે અને જો AI માનવ જેવું વર્તન કરવાનું શરૂ કરે તો AI જનરેટેડ વર્ચ્યુઅલ અનુભવો અને વાસ્તવિક જીવનના વર્ચ્યુઅલ અનુભવો વચ્ચે તફાવત હશે. આ બન્ને વચ્ચે તફાવત કરવો મુશ્કેલ છે.

તેમણે આગળ આવનારા વર્ષોમાં ન્યુરો લિંક અને અન્ય પદ્ધતિઓની મદદથી માનવ મગજને આર્ટિફિશિયલ ઇન્ટેલિજન્સ સાથે સીધું જોડીને માનવ સેક્સ હોર્મોન્સને ઉત્તેજીત કરવાની શક્યતા વિશે પણ વાત કરી.

તેમણે કહ્યું કે, જ્યારે AI તમારા મગજમાં તમને સાથ અને કામુકતાનો આનંદ આપવા માટે સંકેતો મોકલી શકે છે તો તમારે બીજા પ્રાણીની જરૂર કેમ પડશે?

એઆઈ સંવેદનશીલ નથી એવી દલીલ કરનારાઓને જવાબ આપતા તેમણે કહ્યું કે, એઆઈ રોબોટ સંવેદનશીલ છે કે કેમ તેનાથી કોઈ ફરક પડતો નથી, જ્યાં સુધી તે વાસ્તવિક માનવ કરતાં પણ વધુ સંશ્લેષણને ઉત્તેજિત કરે છે. તેમણે ઉમેર્યું કે, જો મારું મગજ કંઈક વાસ્તવિક માને છે તો તે મારા માટે વાસ્તવિક છે, પછી ભલે તે ખરેખર જીવંત હોય કે ન હોય.

અંતે તેમણે કહ્યું કે, AI પાસેથી વધુ અને વધુ મેળવવાની માનવીય વૃત્તિ વહેલા કે મોડા ઉંધી અસર થશે તે નક્કી છે. અન્ય તમામ ટેક્નોલોજીઓથી વિપરીત AI પોતાની નકલો બનાવવામાં સક્ષમ છે.

તેમણે કહ્યું કે, એક પરમાણુ બોમ્બ વધુ પરમાણુ બોમ્બ બનાવી શકતા નથી, પરંતુ અમે જે AI બનાવી રહ્યા છીએ તે અન્ય AI બનાવવા માટે સક્ષમ છે.

English summary

Robots going to take the place of partners in the bedroom very soon?