10 વર્ષ પહેલા આ ફોન હતા લોકોની પહેલી પસંદ

Published: Monday, April 20, 2015, 14:10 [IST]

જો તમે હાલ કોઇ સ્માર્ટફોન યૂઝરને સવાલ પૂછશો કે 10 વર્ષ પહેલા તે કયા ફોનનો યૂઝ કરતો હતો તો તેને ભાગ્યે જ યાદ હશે. તો ચાલો આજે આવા જ કેટલાક જૂના ફોન અને તેના મોડેલને યાદ કરીએ.

તમને યાદ છે મોટોરોલાનો ફ્લિપ ફોન જેમાં ફોન રિસિવ કરવા ફોન ખોલવો પડતો હતો અને નોકિયા 1110ને કેવી રીતે ભૂલાય! ત્યારે મોબાઇલ ફોન હોવો મોટી વાત ગણાતી અને SMSના સસ્તા દર અને પ્લાન વિષે લોકો ચર્ચા કરતા.

તો ચલો આજે આવા જ કેટલાક જૂના ફોનની જૂની યાદોને ફરી તાજા કરીએ.

Motorola Moto Razr V3

મોટોરોલા મોટો રેજર વી 3 જેમાં ફોન અટેન્ડ કરવા પહેલા ફ્લિપ ખોલવી પડતી હતી. આ ફોન એક પ્રોફેશનલ લૂક આપતો હતો અને માટે જ બિઝનેસ કરતા લોકોની તે પહેલી પસંદ હતો વળી આ પહેલા તેવા ફોન હતો જે સ્લીક અને સુંદર લૂક આપતો હતો.

સોની એરિક્શન કે750

સોની એરિક્શન કે750એ કેમેરા ફોનની શરૂઆત કરી તેવું કહી શકાય. કારણ કે તેમાં હતો 2 મેગાપિક્સલ કેમેરો. જે તે સમયે 13 મેગાપિક્સલની બરાબર હતો.

નોકિયા એન 70

આ ફોનને તમે કમ્યૂનિકેટર, પીડીએ પણ કહી શકો છો. આ ફોનને આજકાલના સ્માર્ટફોનનો બાપ કહીએ તો તેમાં કંઇ ખોટું નથી. તેમાં 2.1 ઇંચની મોટી સ્ક્રીન હતી. અને તે એડવાંસ 60 યૂઆઇ પર રન કરતો હતો.

બ્લેકબેરી 7100

2005 બ્લેકબેરી ફોન માટે એક ગોલ્ડન સમય હતો. બ્લેકબેરી 7100માં એડવાન્સ બીબી ઓએસ આપવામાં આવ્યું હતું જેથી તમે ઇમેલ પણ કરી શકતા હતા. તે સમયે ફોનથી ઇમેલ કરવું મોટી વાત હતી અને માટે જ આ ફોનને તે સમયે સારું વેચાણ કર્યું હતું.

નોકિયા 8800

સ્ટેનલેસ સ્ટીલ લુકની સાથે આ ફોન સ્લાઇડ ફોનની દુનિયાનો સૌથી સફળ મોડેલમાંથી એક હતો. જેમાં 1.7 ઇંચની સ્કીન હતી અને એસવીજી કેમેરા હતો. વધુમાં તેની સ્કીન 256 કલરને સપોર્ટ કરતી હતી.