હાર કર જીતને વાલે કો બાઝીગર કહતે હૈં... વીસ વરસ પૂરા!

મુંબઈ, 12 નવેમ્બર : બૉલીવુડના બાદશાહ શાહરુખ ખાને 20 વર્ષ અગાઉ બાઝીગર ફિલ્મમાં વિલનનો રોલ કરી એક જોખમ લીધુ હતું અને તેનો ફાયદો આજે પણ તેમને મળી રહ્યો છે. શાહરુખે મંગળવારે ફિલ્મના નિર્માતાઓ અને સહ-કલાકારોનો આભાર વ્યક્ત કર્યો.

બાઝીગર ફિલ્મ 12મી નવેમ્બર, 1993ના રોજ રિલીઝ થઈ હતી. શાહરુખે પોતાના ટ્વિટર પેજ ઉપર લખ્યું - બાઝીગરના 20 વર્ષ પૂરા થઈ ગયાં. અબ્બાસ-મસ્તાન, કાજોલ, શિલ્પા (શેટ્ટી) તથા રાખીજી (રાખી ગુલઝાર)નો આભાર. તેમણે ટ્વિટર ઉપર ફિલ્મનો ડાયલૉગ પણ લખ્યો - અભી ભી હાર કર જીતને વાલે કો બાઝીગર કહતે હૈં.

નોંધનીય છે કે બાઝીગર તેવી ફિલ્મોમાંની એક છે કે જેમાં શાહરુખ નેગેટિવ પાત્રમાં નજરે પડ્યા હતાં. શાહરુખ ખાન બાઝીગર ઉપરાંત અંજામ તથા ડર જેવી ફિલ્મોમાં પણ નેગેટિવ રોલમાં દેખાયા હતાં. શાહરુખ ખાન હાલ ફરાહ ખાનની હૅપ્પી ન્યુ ઈયર ફિલ્મમાં વ્યસ્ત છે. ફિલ્મમાં અભિષેક બચ્ચન અને દીપિકા પાદુકોણે ઉપરાંત સોનૂ સૂદ તથા બોમન ઈરાની પણ નજરે પડવાના છે.

English summary

Shahrukh Khan took a risk by playing a villain in "Baazigar" 20 years ago, and he is still reaping rich dividends for that. The superstar Tuesday thanked its makers and his co-actors.