મોડલ ઐશ્વર્યાને અશ્લીલ મેસેજ અને ફોટા મોકલવાના આરોપમાં એજાઝ ખાનની ધરપકડ
એજાઝ ખાન પર મોડલ ઐશ્વર્યા ચૌબેએ અશ્લીલ મેસેજ અને ફોટા મોકલવાનો આરોપ લગાવ્યો છે. તમને જણાવી દઇએ કે ઐશ્વર્યા કાશ્મીરની વતની છે અને પોતાને સલમાન ખાનની ફેન બતાવે છે...
બિગ બોસથી ચર્ચામાં આવેલા એક્ટર એજાઝ ખાનની અશ્લીલ મેસેજ, ફોટા મોકલવા અને છેડતીના આરોપમાં મુંબઇ પોલિસે ધરપકડ કરી લીધી છે. એજાઝ ખાન પર મોડલ ઐશ્વર્યા ચૌબેએ અશ્લીલ, મેસેજ અને ફોટા મોકલવાનો આરોપ લગાવ્યો છે.
તમને જણાવી દઇએ કે ઐશ્વર્યા કાશ્મીરની વતની છે અને પોતાને સલમાન ખાનની ફેન બતાવે છે. આ તરફ એજાઝે આ આરોપોને પોતાની છબી ખરાબ કરવાનું ષડયંત્ર ગણાવ્યુ છે.
શું આરોપ લગાવ્યો છે મોડેલે
મોડલ ઐશ્વર્યા ચૌબેએ મુંબઇના વર્સોવા પોલિસ સ્ટેશનમાં એજાઝ સામે કેસ ફાઇલ કરાવ્યો છે. તેણે આરોપ લગાવ્યો છે કે એક દિવસ એજાઝે તેને જૂહુની હોટલમાં બોલાવવાની કોશિશ કરી હતી. એજાઝે તેને અશ્લીલ ફોટા અને મેસેજ પણ મોકલ્યા હતા.
એજાઝે શું કહ્યુ
એજાઝે આ આરોપોને તેની છબી ખરાબ કરવાનું ષડયંત્ર ગણાવ્યુ છે. તેનું કહેવુ છે કે મુંબઇ-પૂનામાં મારા ઘણા દુશ્મન બની ગયા છે. આ બધુ એ લોકો જ કરાવી રહ્યા છે. જો કે તેણે કોઇનું નામ લીધુ નથી. તમને જણાવી દઇએ કે બિગ બોસમાં સાથી પ્રતિયોગીઓ સાથે મારપીટ કરવાના આરોપમાં તે ઘરમાંથી બેઘર થયો હતો.
એજાઝ કેટલીક હિંદી અને સાઉથની ફિલ્મોમાં પણ કામ કરી ચૂક્યો છે. તેની ઇમેજને લઇને ઘણી વાર સવાલો ઉઠતા રહે છે. ગયા વર્ષે 'કોમેડી નાઇટ્સ વિથ કપિલ' પર પોતાનો એપિસોડ ટેલિકાસ્ટ ન થવા પર તેણે નારાજગી દર્શાવી હતી.