બૉસે કર્યા ખુશ, એન્થૉની હવે હવાઈ કારનામાઓ પર બનાવશે ફિલ્મ
મુંબઈ, 22 ઑક્ટોબર : ફિલ્મ બ્લ્યુના દિગ્દર્શક એન્થૉની ડિસૂઝા પોતાની તાજેતરમાં જ રિલીઝ થયેલી બૉસ ફિલ્મને મળતા હકારાત્મક પ્રત્યાઘાતથી ચમત્કૃત છે. હવે તેઓ હવાઈ કારનામાઓ પર આધારિત ફિલ્મ બનાવવા જઈ રહ્યાં છે. ડિસૂઝાએ જણાવ્યું - આ મારો પોતાનો વિચાર છે. આ વિચાર મારા હૃદયની બહુ નજીક છે અને હું પોતાની રીતે આ ફિલ્મ બનાવવા માંગુ છું. હું ખુશ ચું કે બૉસને દર્શકોએ સ્વીકારી. પોતાના કરતાં હું પોતાના પત્ની માટે વધુ ખુશ છું કે જેણે ત્રણ વર્ષ અનિશ્ચિતતાઓ વચ્ચે પસાર કર્યાં. મારા આઠ વર્ષના પુત્રને પણ બૉસ ગમી.
તેમણે જણાવ્યું - મને લાગે છે કે અક્ષય કુમાર અને હું બને બાળપણથી જ અમિતાભ બચ્ચની ફિલ્મો જોતા મોટા થયાં છીએ અને આ ફિલ્મ અમારા દ્વારા તે વખતના સિનેમાને શ્રદ્ધાંજલિ છે. તેમણે જણાવ્યું - બ્લ્યુની નિષ્ફળતા બાદ મેં વ્યવાસિયક ફિલ્મોનો રુખ કર્યો. મેં બ્લ્યુ દ્વારા કંઈક નવું કરવાની કોશિશ કરી, પણ હું નિષ્ફળ નિવડ્યો. એન્થૉની ડિસૂઝા પોતાની નવી શરુઆત અને સફળતા બદલ બૉસ ફિલ્મના નાયક અક્ષય કુમાર પ્રત્યે આભાર વ્યક્ત કરવાનું નથી ચૂકતાં. બૉસમાં અક્ષય ઉપરાંત અદિતી રાવ હૈદરી અને શિવ પંડિત પણ છે.
Click it and Unblock the Notifications
Sign in with Google
