પરિણીતી ચોપરા અને રાઘવ ચઢ્ઢાએ સગાઈ કરી લીધી છે? જાણો શું છે હકીકત?

By Desk

Published: Tuesday, March 28, 2023, 20:15 [IST]

હાલ બોલિવૂડમાં પરિણીતી ચોપરા અને આમ આદમી પાર્ટીના સાંસદ રાઘવ ચઢ્ઢાની લવ સ્ટોરીની ખુબ ચર્ચાઓ છે. બન્ને હાલમાં જ લંચ પર સાથે જોવા મળ્યા હતા અને ત્યારથી આ ચર્ચાએ જોર પકડયુ છે. જો કે હવે સમાચારો તો એવા પણ આવી રહ્યા છે કે બન્ને એ સગાઈ કરી લીધી છે.

બન્ને સાથે જોવા મળ્યા હતા

પરિણીતી ચોપરા અને સાંસદ રાઘવ ચઢ્ઢા મુંબઈમાં સાથે જોવા મળ્યા હતા. ત્યારપછી બન્ને ડેટ કરી રહ્યા હોવાની જોરદાર ચર્ચા છે. બન્ને સતત બે વખત સાથે જોવા મળ્યા બાદ આ વાત વધારે પાકી થઈ રહી કે બન્ને સાથે છે.

બન્નેએ સગાઈ કરી હોવાની અટકળો શરૂ થઈ

હવે આમ આદમી પાર્ટીના સાંસદ સંજીવ ભટ્ટના એક ટ્વિટે સોશિયલ મીડિયા પર નવી ચર્ચા છેડી છે. AAP સાંસદ સંજીવ અરોરાએ ટ્વીટ કરીને જણાવ્યુ કે, હું પરિણીતી ચોપરા અને રાઘવ ચઢ્ઢાને હૃદયપૂર્વક અભિનંદન આપું છું. તેમનું આ મિલન પ્રેમ, સુખ અને સાથથી ભરેલું રહે. મારી શુભેચ્છાઓ. આ ટ્વીટ બાદ અટકળો લગાવવામાં આવી રહી છે કે બંનેએ સગાઈ કરી લીધી છે.

પરિણીતી ચોપરા મનીષ મલ્હોત્રાના ઘરે જોવા મળી

આ ટ્વિટ સામે આવ્યા બાદ હવે ઘણા યુઝર્સ સંજીવ અરોરાના ટ્વીટ પર કોમેન્ટ પણ કરી રહ્યા છે કે બંનેની સગાઈ થઈ ગઈ છે. જો કે આ અંગે હાલ કોઈ અધિકારીક માહિતી બહાર આવી નથી. હાલમાં જ એવા પણ અહેવાલો હતા કે બંનેના પરિવારજનોએ લગ્નની વાતો શરૂ કરી દીધી છે. રવિવારે પરિણીતી ચોપરા મનીષ મલ્હોત્રાના ઘરે જોવા મળી હતી.

પરિણીતી અને રાઘવ ચઢ્ઢા પહેલેથી જ એકબીજાને પસંદ કરે છે

મીડિયા રિપોર્ટ અનુસાર, પરિણીતી અને રાઘવ ચઢ્ઢા પહેલેથી જ એકબીજાને પસંદ કરે છે અને તેમના પરિવારજનો પણ થોડા સમય પહેલા મળ્યા હતા. હવે લગ્નની ઔપચારિક જાહેરાત પણ ટૂંક સમયમાં થઈ શકે છે. જો કે બંને વ્યસ્ત હોવાને કારણે હજુ તારીખ નક્કી થઈ નથી.

બન્નેના પરિવારો પણ સંમત છે

અહીં તમને જણાવી દઈએ કે, પરિણીતીના નજીકના મિત્રએ હિન્દુસ્તાન ટાઈમ્સ સાથે ખુલાસો કર્યો હતો કે પરિણીતી ચોપરા અને રાઘવ ચઢ્ઢા એકબીજાને લાંબા સમયથી ઓળખે છે અને મિત્રો છે. આ મિત્રતા થોડા સમય પહેલા સંબંધમાં બદલાઈ ગઈ છે. આ સાથે તેણે એ પણ જણાવ્યું કે, પરિણીતી ચોપરા અને રાઘવ ચઢ્ઢા વચ્ચે ઘણી બધી બાબતો સમાન છે. ખાસ કરીને બંને જીવન જીવવાના પરિપ્રેક્ષ્યને સમાન રીતે જુએ છે.

I extend my heartfelt congratulations to @raghav_chadha and @ParineetiChopra. May their union be blessed with an abundance of love, joy, and companionship. My best wishes!!! pic.twitter.com/3fSWVT4evR
— Sanjeev Arora (@MP_SanjeevArora) March 28, 2023