Bang Bang : હૃતિકના આ 10 Stunts જોઈ શ્વાસ અદ્ધર થઈ જશે...

Published: Tuesday, September 30, 2014, 12:21 [IST]

મુંબઈ, 30 સપ્ટેમ્બર : બૅંગ બૅંગ આગામી 2જી ઑક્ટોબરે રિલીઝ થવા જઈ રહી છે. આ એક્શન થ્રિલર ફિલ્મમાં હૃતિક રોશન અને કૅટરીના કૈફ છે અને તેમાં પણ હૃતિક રોશનના એક્શન સિક્વંસને લઈને લોકોમાં ખૂબ જ આતુરતા છે. આ સ્ટંટ્સ હૃતિકે જાતે કર્યા છે કે જે શ્વાસ અદ્ધર કરી દેનારા છે.

બૅંગ બૅંગ હૉલીવુડ ફિલ્મ નાઇટ એન્ડ ડેની બૉલીવુડ રીમેક છે કે જેમાં કેટલાક દેસી પરિવર્તનો કરાયા છે, જેમ કે કેમિકલ બૅટરીના સ્થાને ડાયમંડનો ઉપયોગ કરાયો છે. બૅંગ બૅંગમાં ઘણા બધા ચેઝ સિક્વંસ અને કેટલાક આશ્ચર્યજનક સ્ટંટ્સ છે કે જે આપણા ગ્રીક ગૉડ હૃતિકે કર્યા છે.

જ્યારે હૃતિક રોશન બીમાર પડી ગયાં, ત્યારે મેકર્સે સ્ટંટમૅન વડે એક્શન દૃશ્યો કરાવ્યાં, પરંતુ હૃતિકને લાગ્યું કે તેમના માટે સ્ટંટમૅન ન શોભે અને તેઓ પોતે તે દૃશ્યો કરી શકે છે. એટલે જ દિગ્દર્શક સિદ્ધાર્થ આનંદે સ્ટંટમૅન દ્વારા કરાયેલ એક્શન સીન્સ ફરીથી હૃતિક રોશનના સ્ટંટ્સ સાથે શૂટ કર્યાં.

હૃતિકે જણાવ્યું - સિદ્ધાર્થ એક દિગ્દર્શક અને મિત્ર તરીકે ખૂબ જ કૅરિંગ પર્સન છે. અમે આ ફિલ્મ કરવા દરમિયાન મિત્ર બની ગયાં. તેમણે મને તમામ પ્રકારની મદદ કરી અને એટલે જ મેં પણ અનુભવ્યું કે મારે મારૂં બેસ્ટ આપવું જોઇએ.

ચાલો તસવીરો સાથે જુઓ બૅંગ બૅંગ ફિલ્મમાં હૃતિક રોશને કરેલા શ્વાસ અદ્ધર કરનાર 10 સ્ટંટ્સ :

સ્ટંટ 1

આ સીનમાં હૃતિક રોશન એક રસ્સીના સહારે દીવાળ પર ચાલી રહ્યાં છે. આ સીન સાચે જ શ્વાસ અદ્ધર કરનાર છે.

સ્ટંટ 2

પીછો કરવાના એક દૃશ્યમાં ધાબા ઉપરથી જમ્પ મારતાં હૃતિક.

સ્ટંટ 3

આ દૃશ્યમાં બાઇક પર સવાર હૃતિક કાર ઉપર જમ્પ કરે છે.

સ્ટંટ 4

આ દૃશ્યમાં હૃતિક રોશન હવામાં ઉછળી બે બસોને ક્રૉસ કરી રહ્યાં છે.

સ્ટંટ 5

આ દૃશ્યમાં એક ગુંડો હૃતિકને ઘેરી લે છે, પરંતુ હૃતિક શાનદાર સ્ટંટ કરી ગન પોતાના હાથમાં લઈ લે છે અને ગુંડાને તગેડી મૂકે છે.

સ્ટંટ 6

આ દૃશ્ય પણ શ્વાસ અદ્ધર કરનારુ છે કે જેમાં હૃતિક જેટ પાસનો યૂઝ કરી પાણીમાંથી ગન સાથે બહાર આવે છે.

સ્ટંટ 7

આ દૃશ્ય નાઇટ એન્ડ ડેમાંથી પ્રેરિત છે કે જેમાં હૃતિક કૅટને ઝિપ ખોલવાનું કહે છે અને ચાલુ ગાડીએ કૅટ હૃતિકના જૅકેટની ઝિપ ખોલી તેમાંથી ગન કાઢી પીછો કરનારાઓ પર ફાયરિંગ કરે છે.