Happy Birthday : સૂગને બદલી સ્વીકૃતિની મેળવી ભેંટ, સન્નીએ જીત્યાં લાખો દિલ...

Published: Tuesday, May 13, 2014, 12:47 [IST]

અમદાવાદ, 13 મે : પોર્ન સ્ટારમાંથી બૉલીવુડ અભિનેત્રી બનેલા સન્ની લિયોન આજે 33 વરસના થઈ ગયાં. સન્ની લિયોન આજે બૉલીવુડમાં એક જાણીતું નામ થઈ ગયાં છે. તાજેતરમાં જ રાગિણી એમએણએસ 2 ફિલ્મ સાથે બૉલીવુડમાં ધમાલ મચાવનાર સન્ની લિયોન હવે એક સ્થાપિત અભિનેત્રી બની ચુક્યાં છે.

સન્ની લિયોનનો જન્મ 13મી મે, 1981ના રોજ થયો હતો. ભારતીય-કૅનેડિયન પોર્ન સ્ટાર તરીકે જાણીતા સન્ની લિયોનને ભારતીય અભિનય જગતમાં માત્ર 3 જ વર્ષ થયાં છે, પરંતુ ત્રણ વર્ષમાં જ સન્ની લિયોને એક એવો મુકામ હાસલ કરી લીધો છે કે જ્યાં પહોંચવું સૌના વશની વાત નથી હોતી.

એક સામાન્ય નવોદિત અભિનેત્રી માટે હજીય આવા મુકામે પહોંચવુ કદાચ સરળ હોઈ શકે, પરંતુ સન્ની લિયોન માટે ભારતીય સિનેમા જગતમાં સ્થાપિત થવું એટલા માટે પણ મુશ્કેલ હતું, કારણ કે તેમની છબી એક પોર્ન સ્ટાર તરીકેની હતી અને એટલે જ સન્ની લિયોનના દીવાના ભારતમાં હોય, તે સ્વાભાવિક છે, પરંતુ આ દીવાનાઓ તેમના છુપા ફૅન્સ હતાં. સન્ની લિયોન સામે એવા ફૅન્સ ઊભા કરવાનો પડકાર હતો કે જે એક સામાન્ય અભિનેત્રીના હોય છે.

સન્ની લિયોને પોતે પણ અનેક વખત કહ્યું કે તેઓ પોતાની છબી બદલવા માંગે છે અને તે વાતમાં તેમના પતિ ડૅનિયલ વેબર પણ તેમનો પૂરો સાથ આપતા રહ્યાં છે. સન્ની લિયોનનો સંકલ્પ હતો કે તેઓ પોતાની પોર્ન સ્ટાર તરીકેની છબીમાંથી એક સામાન્ય યુવતી અને પછી અભિનેત્રી તરીકેની છબી સ્થાપશે અને તેઓ આ સંકલ્પમાં મહદઅંશે સફળ પણ થયાં છે. એટલે જ તો એક વખતે બૉલીવુડમાં અનેક લોકો સન્ની સામે સૂગ ધરાવતા હતાં, પરંતુ આજે સન્ની લિયોન ડિમાંડમાં છે.

ચાલો તસવીરો સાથે જોઇએ ભારતીય મનોરંજન જગતમાં સન્ની લિયોનની સફર :