જેકલીન ફર્નાન્ડિસ પર EDનો મોટો આરોપ, કોર્ટમાં કહ્યું-તપાસમાં સહયોગ નથી આપી રહી અને દેશ છોડવાની ફિરાકમાં!
સુકેશ ચંદ્રશેખર મની લોન્ડ્રીંગ કેસમા જેકલીન ફર્નાન્ડિસની મુશ્કેલીઓ સતત વધી રહી છે. હવે ઈડીએ જેકલીન પર કોર્ટમાં મોટો આરોપ લગાવ્યો છે.
મુંબઈ : સુકેશ ચંદ્રશેખર મની લોન્ડ્રીંગ કેસમા જેકલીન ફર્નાન્ડિસની મુશ્કેલીઓ સતત વધી રહી છે. હવે ઈડીએ જેકલીન પર કોર્ટમાં મોટો આરોપ લગાવ્યો છે.
200 કરોડના મની લોન્ડ્રીંગ કેસમાં જેકલીને પટીયાલા કોર્ટમાં જામીન અરજી દાખલ કરી હતી. આ અરજી પર સૂનાવણી દરમિયાન ઈડીએ જામીનનો વિરોધ કર્યો હતો. ઈડીએ કોર્ટમાં જણાવ્યુ કે, જેકલીન દેશ છોડીને ભાગી જવાની કોશિશ કરી છે.
EDએ અભિનેત્રીની નિયમિત જામીન અરજીનો વિરોધ કરતા કોર્ટને જણાવ્યુ કે,જેકલીન તપાસ દરમિયાન તેના મોબાઈલ ફોનમાંથી ડેટા ડિલીટ કરીને પુરાવા સાથે છેડછાડ કરી હતી.ઈડીએ એ પણ આરોપ લગાવ્યો હતો કે અભિનેત્રી તપાસમાં સહયોગ નથી કરી રહી. EDએ કોર્ટમાં દસ્તાવેજમાં જણાવ્યું કે, તે ભારત છોડવા માંગતી હતી, પરંતુ તેનું નામ લુકઆઉટ સર્ક્યુલરમાં હોવાથી તેમ કરી શકી નથી.
પટીયાલા કોર્ટ રેગ્યુલર જામીન અરજી પર સૂનાવણી કરી રહી છે ત્યારે જેકલીન તરફથી કોર્ટમાં કહેવાયુ કે, ઈડી તરફથી કોઈ દસ્તાવેજ મળ્યા નથી. કોર્ટે પણ આ બાબતે તમામ પક્ષોને ચાર્જશીટ સહિતના તમામ જરૂરી દસ્તાવેજ આપવા આદેશ કર્યો છે.
અહીં તમને એ પણ જણાવી દઈએ કે, કોર્ટે મની લોન્ડરિંગ કેસમાં જેકલીન ફર્નાન્ડીઝને આપવામાં આવેલા વચગાળાના જામીનની મુદત 10 નવેમ્બર સુધી લંબાવી છે. આ સ્થિતિમાં હવે કેસની આગામી સુનાવણી 10 નવેમ્બરે થશે. ગઈ સુનાવણીમાં કોર્ટે જેકલીન ફર્નાન્ડિસને વચગાળાના જામીન આપ્યા હતા.
Click it and Unblock the Notifications
Sign in with Google
