ઈમરાન હાશમીનો ખુલાસો, ઘર ચલાવવા માટે મે કર્યુ છે આ કામ, ઘણા કલાકારો ખોટા છે

વીતેલા અમુક વર્ષોમાં ઈમરાન પડદા પર બહુ નથી આવી રહ્યા. પોતાના વીતેલા સફર અને છેલ્લા અમુક વર્ષોના સંઘર્ષ વિશે ઈમરાને પીટીઆઈ સાથે વાતચીત કરી.

Published: Monday, September 16, 2019, 11:57 [IST]

નેટફ્લિક્સની અપકમિંગ વેબ સીરિઝ 'બાર્ડ ઑફ બ્લડ'થી જોરદાર કમબેક કરવા માટે તૈયાર છે ઈમરાન હાશમી. એક સમય એવો હતો જ્યારે બોલિવુડમાં પોતાનુ સ્ટારડમ અને બેક ટુ બેક ઘણી હિટ ફિલ્મો દ્વારા ઈમરનની લોકપ્રિયતા ઝડપથી વધી રહી હતી. પરંતુ વીતેલા અમુક વર્ષોમાં ઈમરાન પડદા પર બહુ નથી આવી રહ્યા. પોતાના વીતેલા સફર અને છેલ્લા અમુક વર્ષોના સંઘર્ષ વિશે ઈમરાને પીટીઆઈ સાથે વાતચીત કરી.

બેબાક અંદાજ

એક વાર ફરીથી ઈમરાને સાબિત કરી દીધુ કે બેબાક અંદાજથી આજે પણ તે પોતાની વાત રજૂ કરવામાં માહિર છે. ચાલો જાણીએ કે ઈમરાને શું ખુલાસો કર્યો છે.

આનો કોઈ અંત નથી

ઈમરાન ફિલ્મ ઈન્ડસ્ટ્રીમાં ઘણો લાંબો સમય વીતાવી ચૂક્યા છે. આજે ભલે ઈમરાન પોતાની ઓળખ બોલિવુડમાં બનાવી ચૂક્યા હોય પરંતુ તેમનુ માનવુ છે કે આનો ક્યારેય અંત નથી થવાનો. તે કહે છે કે ફિલ્મની દુનિયામાં સંઘર્ષનો કોઈ અંત નથી હોતો.

તો તે ખોટુ બોલી રહ્યા છે

ઈમરાને આગળ કહ્યુ કે મારા ખ્યાલથી એક અભિનેતા સૌથી વધુ અસુરક્ષિત વ્યક્તિ હોય છે. જો તમને કોઈ એક્ટર એમ કહે છે કે તે અસુરક્ષિત નથી તો તે ખોટુ બોલી રહ્યો છે. અહીં આ હરિફાઈમાં પોતાને જાળવી રાખવા સરળ નથી હોતુ.

બધાનો સંઘર્ષ ચાલતો રહે છે

પોતાની વાતને આગળ વધારતા ઈમરાન કહે છે કે બધાનો સંઘર્ષ ચાલતો રહે છે. એ જ આ કારોબારની પ્રકૃતિ છે. કોઈ એક વસ્તુના કારણે બીજી વસ્તુનો રસ્તો બનતો રહે છે. મારી પાસે કોઈ પ્લાનિંગ નથી. મોકો શોધો અને આગળ વધો.

ભૂતકાળમાં ઘર ચલાવવા માટે

હાશમીએ આજે વેબ સીરિઝ, ફિલ્મ અને ટીવીની વધતી લોકપ્રિયતાને જોતા કહ્યુ કે આ સારો સમય છે. ભૂતકાળમાં ઘર ચલાવવા માટે મે અમુક ફિલ્મો મન વગર પણ કરી હતી. મારા વિચારો મુજબની એ ફિલ્મો નહોતી. ખુશ છુ કે હવે સારો સમય છે. વેબ સીરિઝ દ્વારા સારી કહાનીઓ આવી રહી છે.

આ રીતે શરૂ થઈ સફર

ઉલ્લેખનીય છે કે ઈમરાન હાશમીએ વર્ષ 2001માં યે જિંદગી કા સફપ નામની ફિલ્મથી ડેબ્યુ કર્યુ હતુ. પરંતુ બાદમાં તેમને ફિલ્મમાંથી કાઢી મૂકવામાં આવ્યા. ત્યારબાદ વર્ષ 2003માં રિલીઝ થયેલી ફિલ્મ ફૂટપાથથી ઈમરાને પોતાનુ ડેબ્યુ કર્યુ. કલાકાર તરીકે તેમના ખાતામાં મર્ડર, ઝહર, આશિક બનાયા આપને, આવારાપન જેવી ફિલ્મો છે. તેમની ફિલ્મોના ગીતો દરેક વખતે લોકપ્રિય હોય છે.

Published On September 16, 2019