Box Office: બીજા દિવસે પણ 'વૉર'નું ધમાકેદાર કલેક્શન

By Staff

Published: Friday, October 4, 2019, 15:14 [IST]

ઋતિક રોશન અને ટાઈગર શ્રૉફની ફિલ્મ વૉરે 53.35 કરોડ રૂપિયાની ધમાકેદાર ઓપનિંગ સાથે બૉક્સ ઑફિસ શરૂઆત કરી છે. ફિલ્મને દર્શકોની પૉજિટિવ પ્રતિક્રિયા મળી રહી છે. ખાસ કરીને પોતાના જબરદસ્ત એક્શન સીન્સ માટે ફિલ્મના ભારે વખાણ કરવામાં આવી રહ્યાં છે. ઓપનિંગની સાથે જ ફિલ્મ કેટલાય રેકોર્ડ રચી મૂક્યા છે. જ્યારે બીજા દિવસે ફિલ્મની કમાણીમાં થોડો ઘટાડો નોંધાયો, પરંતુ છતાં પણ ફિલ્મે બે દિવસમાં 77.70 કરોડનું કલેક્શન કરી લીધું છે.

ધમાકેદાર ઓપનિંગ

ફિલ્મે ગુરુવારે 23 કરોડ રૂપિયાનું કલેક્શન કર્યું છે. આની સાથે જ ફિલ્મનું કુલ કલેક્શન 77 કરોડ રૂપિયા થઈ ગયું છે. ટ્રેડ પંડિતો મુજબ પહેલા વીકેન્ડ પર જ ફિલ્મ 150 કરોડ સુધીનો આંકડો પાર કરી જશે. જો કે ફિલ્મનું બજેટ ઘણું છે, જે હિસાબે હિટ થવામાં સમય છે. ઋતિક-ટાઈગરની વૉર 200 કરોડના ક્લબમાં સામેલ થઈ શકે છે.

કલેક્શન

ભારતમાં જ્યાં ફિલ્મે 70 કરોડની કમાણી કરી લીધી છે, ત્યારે ઓવરસીઝમાં પણ ફિલ્મ સારી કમાણી કરી રહી છે. ઓસ્ટ્રેલિયામાં આ બૉલીવુડની 2019ની સૌથી બિગ ઓપનિંગ સાબિત થઈ છે.