Pavitra Jayaram Died: 35 વર્ષીય એક્ટ્રેસ પવિત્રા જયરામનું કાર અકસ્માતમાં મોત

Pavitra Jayaram Died: કન્નડ ટીવી ઇન્ડટ્રીમાંથી એક માઠા સમાચાર સામે આવ્યા છે. ફેમસ એક્ટ્રેસ પવિત્રા જયરામની કારનો અકસ્માત થયો છે, જેમાં તેમનું મોત નિપજ્યું છે. મીડિયા રિપોર્ટ અનુસાર એક્ટ્રેસનો અકસ્માત હૈદરાબાદના મેહબુબ નગર પાસે સર્જાયો હતો.

ઉલ્લેખનીય બાબત છે કે, પવિત્રા જયરામની કાર એક બસ સાથે ટકરાઇ હતી. આ ટક્કર એટલી ભયાનક હતી કે, એક્ટ્રેસનું ઘટનાસ્થળે જ મોત નિપજ્યું હતું.

કન્નડ ટીવી અભિનેત્રી પવિત્રા જયરામનું નિધન - કન્નડ ટીવી અભિનેત્રી પવિત્રા જયરામનો પરિવાર તેમના નિધનના સમાચારથી સ્તબ્ધ છે. સાઉથ ઈન્ડસ્ટ્રીમાં શોકનું મોજુ ફરી વળ્યું છે.

કેટલાક મીડિયા રિપોર્ટ્સ અનુસાર, કર્ણાટકના મંડ્યા જિલ્લાના હનાકેરેથી પરત ફરતી વખતે પવિત્રા સાથે આ અકસ્માત થયો હતો. આ ઘટનામાં અભિનેત્રીની કઝીન અપેક્ષા, ડ્રાઈવર શ્રીકાંત અને સાઉથ એક્ટર ચંદ્રકાંત પણ ગંભીર રીતે ઘાયલ થયા છે.

પવિત્રાની કારનો ભયંકર અકસ્માત થયો - અહેવાલ છે કે, પવિત્રાની કારે નિયંત્રણ ગુમાવ્યું અને ડિવાઈડર સાથે અથડાઈ અને બાદમાં હૈદરાબાદથી વાનપર્થી તરફ આવી રહેલી બસ કારની જમણી બાજુ સાથે અથડાઈ હતી. આ અકસ્માતમાં પવિત્રા ગંભીર રીતે ઘાયલ થતાં તેનું ઘટનાસ્થળે જ મોત થયું હતું.

પવિત્રાએ તેલુગુ સિરિયલોમાં પણ કામ કર્યું - પવિત્રા જયરામ કન્નડ ટીવી સિરિયલોમાં તેના જોરદાર અભિનય માટે જાણીતા હતા. આ સિવાય તેણે બીજી ઘણી ભાષાઓના શોમાં પણ કામ કર્યું છે. કન્નડ ટીવી ઈન્ડસ્ટ્રીમાં તેમની લોકપ્રિયતા ઘણી વધારે હતી. તેમણે ઘણી તેલુગુ સિરિયલોમાં પણ શાનદાર અભિનય કર્યો હતો. પવિત્રાના મૃત્યુના સમાચાર સાંભળીને કન્નડ ટીવી ઈન્ડસ્ટ્રીના લોકો આઘાતમાં છે.

સોશિયલ મીડિયા પર અભિનેત્રીને શ્રદ્ધાંજલિ આપવામાં આવી રહી છે - સામાન્ય લોકોથી લઈને સાઉથ સેલેબ્સ સોશિયલ મીડિયા પર પવિત્ર જયરામને શ્રદ્ધાંજલિ આપી રહ્યા છે. જો પવિત્રાના ચાહકોનું માનીએ તો અભિનેત્રીને કન્નડ ટીવી ઈન્ડસ્ટ્રી અને તેલુગુ સિરિયલોમાં તેના યોગદાન માટે યાદ કરવામાં આવશે.

અભિનેતા સમીપ આચાર્યએ પોસ્ટ લખી - સાઉથ ઈન્ડસ્ટ્રીના ફેમસ એક્ટર અને સ્વર્ગસ્થ એક્ટ્રેસ પવિત્રાના કો-એક્ટર સમીપ આચાર્યએ એક્ટ્રેસના નિધન પર શોક વ્યક્ત કર્યો છે અને સોશિયલ મીડિયા પર એક પોસ્ટ શેર કરી છે. તેમણે પોતાની પોસ્ટમાં લખ્યું છે - સમાચારથી જાગી ગયો કે તમે હવે નથી. આ અવિશ્વસનીય છે. મારી પહેલી ઓન-સ્ક્રીન માતા, તમે હંમેશા ખાસ રહેશો.

English summary

35-year-old actress Pavitra Jayaram died in a car accident