Ayesha Takia: બિઝનેસમેન સાથે લગ્ન કરવા કબૂલ કર્યો ઇસ્લામ, આ કારણે ઇન્ડસ્ટ્રીથી બનાવી દૂરી
Ayesha Takia: બોલીવુડ એક્ટ્રેસ આયેશા ટાકિયાએ પોતાના કરિયરમાં ઘણી સુપરહિટ ફિલ્મો આપી છે. તેણે ટાર્ઝનઃ ધ વન્ડર કાર, વોન્ટેડ, પાઠશાલા અને મોડ જેવી ફિલ્મોમાં પોતાના અભિનયથી ચાહકોનું દિલ જીતી લીધું છે. લગ્ન કર્યા બાદ અભિનેત્રીએ અભિનયની દુનિયાને અલવિદા કહી દીધું હતું.
આયેશા ટાકિયાનું નામ એ અભિનેત્રીઓમાં સામેલ થઈ ગયું છે, જે હવે ઈન્ડસ્ટ્રીનો અજાણ્યો ચહેરો છે. ઉલ્લેખનીય છે કે, આયેશાએ 2004માં એક્શન થ્રિલર ટાર્ઝનઃ ધ વન્ડર કારથી એક્ટિંગની દુનિયામાં એન્ટ્રી કરી હતી.
આયેશા ટાકિયાની કારકિર્દીને સલમાન ખાનની ફિલ્મ વોન્ટેડથી જબરદસ્ત બૂસ્ટ મળ્યો હતો. અભિનેત્રી આયેશા ટાકિયાએ વર્ષ 2011માં પોતાની જાતને એક્ટિંગથી દૂર કરી લીધી હતી.
જો મીડિયા રિપોર્ટ્સનું માનીએ તો એવું કહેવાય છે કે, ફિલ્મ વોન્ટેડ બાદ આયેશા ટાકિયાના કરિયર ગ્રાફમાં ભારે ઘટાડો થવા લાગ્યો હતો, ત્યારબાદ તેણે એક્ટિંગ છોડીને લગ્ન કરવાનો નિર્ણય લીધો હતો. અભિનેત્રીએ 2009માં સમાજવાદી પાર્ટીના નેતા અબ્બુ આઝમીના બિઝનેસમેન પુત્ર ફરહાન આઝમી સાથે લગ્ન કર્યા હતા.
ફરહાન આઝમી સાથે લગ્ન કરવા માટે આયેશા ટાકિયાને ઘણા પડકારોનો સામનો કરવો પડ્યો હતો. કહેવાય છે કે, આ લગ્ન માટે આયેશાએ પોતાનો ધર્મ બદલી નાખ્યો હતો.
અભિનેત્રીએ હિન્દુમાંથી ઈસ્લામ ધર્મ અપનાવ્યો હતો. લગ્ન માટે આયેશાએ પોતાનું નામ બદલીને આયશા આઝમી રાખ્યું હતું. બંનેએ મુસ્લિમ રીતિ-રિવાજ મુજબ લગ્ન કર્યા હતા.
ઉલ્લેખનીય છે કે, એક બિઝનેસમેન સાથે લગ્ન કર્યા બાદ આયેશા ટાકિયાએ પોતાનું એક્ટિંગ કરિયર છોડી દીધું હતું. તેણે ખૂબ જ ઓછા સમયમાં ઈન્ડસ્ટ્રીમાંથી ગાયબ થવાનો નિર્ણય લીધો હતો.
હાલમાં તે તેના ફેન્સ સાથે જોડાયેલા રહેવા માટે સોશિયલ મીડિયા પર ખૂબ એક્ટિવ રહે છે. તાજેતરમાં જ તેણે પોતાની પોસ્ટમાં માહિતી આપી હતી કે, તે ક્યારેય ફિલ્મોમાં પરત નહીં ફરે. હાલમાં, આયેશા ટાકિયા લાઈમલાઈટથી દૂર છે, અને તેના પુત્ર મિકેલનો ઉછેર કરી રહી છે.
Click it and Unblock the Notifications
Sign in with Google
