સોનુ સૂદે લારીમાંથી ખરીદ્યા ચંપલ, ભાવતાલ પણ કર્યા
સોનુ સૂદ અચાનક ચંપલની ખરીદી કરવા માટે એક દુકાનદાર પાસે પહોંચ્યો અને બધાને ચોંકાવી દીધા હતા. સોનૂ સૂદ ફરવાવાળાની ગાડી પર પહોંચે છે અને ચંપલ માટે ભાવતાલ કરતો પણ જોવા મળી રહ્યો છે, તેનો વીડિયો ઝડપથી વાયરલ થઈ રહ્યો છે.
શ્રીનગર : બોલીવુડ અભિનેતા સોનુ સૂદ કોરોના વાયરસ લોકડાઉનમાં ગરીબોનો મસીહા બની ગયો છે. ગયા વર્ષ 2020થી અત્યાર સુધી સોનુ સૂદે લાખો લોકોની મદદ કરી છે. સોશિયલ મીડિયા પર હંમેશા એક્ટિવ રહેતા સોનુ સૂદ પોતાના ચાહકોનું મનોરંજન કરવા માટે અવારનવાર અલગ અલગ વીડિયો અને તસવીરો પોસ્ટ કરતા રહ્યા છે. સોનુ સૂદ હાલમાં શ્રીનગરમાં છે. અહીં સોનુ સૂદ અચાનક ચંપલની ખરીદી કરવા માટે એક દુકાનદાર પાસે પહોંચ્યો અને બધાને ચોંકાવી દીધા હતા. સોનૂ સૂદ ફરવાવાળાની ગાડી પર પહોંચે છે અને ચંપલ માટે ભાવતાલ કરતો પણ જોવા મળી રહ્યો છે, તેનો વીડિયો ઝડપથી વાયરલ થઈ રહ્યો છે.
સોનુ સૂદ કહે છે, 120ના ચપ્પલ 50માં આપો
સોનુ સૂદ શ્રીનગરના બાટમાલુની બજારમાં શમીમ ખાનની હેન્ડકાર્ટની દુકાન પર પહોંચ્યો હતો. શમીમ ખાન ત્યાં હેન્ડકાર્ટ પર ઘણા વર્ષો સુધી ચંપલ રાખે છે. શમીમખાનના હેન્ડકાર્ટ પર પહોંચતા સોનુ સૂદ તેને કહે છે કે, આ ચપ્પલ કેટલા છે? શમીમ ખાન કહે છે, બાળકોના ચંપલની કિંમત 50 રૂપિયા અને મોટીના લોકોના ચંપલ120 રૂપિયા છે.
સોનુ સૂદ તેમના હાથમાં 120 રૂપિયાવાળા ચંપલ લઈને કહે છે, 50 રૂપિયામાં આપો. ત્યારે શમીમ ખાન કહે છે, આવું ન થઈ શકે. આ 50 રૂપિયાનું બીજુંચંપલ પણ છે.
સોનુ સૂદનું નામ લેશો તો મળશે આટલું ડિસ્કાઉન્ટ
સોનુ સૂદ ડિસ્કાઉન્ટ આપવાની વાત કરે છે, ત્યારે શમીમ ખાન સહમત થાય છે. સોનુ સૂદ કહે છે, જે કોઈ પગરખાં ખરીદવા માંગે છે, શમીમ ભાઈ પાસે આવો અને જો તમે મારું નામ લેશો તો તમને ડિસ્કાઉન્ટ મળશે. જે બાદ સોનુ પૂછે છે કે, શમીમભાઇને પૂછે છે કે, જે મારૂ નામ લેશે તેને તમે કેટલું ડિસ્કાઉન્ટ આપશો? તેનો જવાબ આપતા શમીમભાઇએ 20 ટકા ડિસ્કાઉન્ટ આપવાની વાત કરી હતી.
સોનુ સૂદે કહ્યું- અમારા ચંપલનો શો રૂમ
સોનુ સૂદે પોતાના ઇન્સ્ટાગ્રામ પર હેન્ડકાર્ટન શમીમ ખાન સાથે વાત કરતી વખતે એક વીડિયો પણ શેર કર્યો છે. વીડિયો શેર કરતા સોનુ સૂદે લખ્યું, અમારો સેન્ડલ શો રૂમ. મને મારા નામે 20 ટકા ડિસ્કાઉન્ટ મળશે. સોનુ સૂદે વીડિયો પોસ્ટ કરીને નાના વ્યવસાયને પ્રોત્સાહન આપવાની અપીલ કરી છે. સોનુએ પોસ્ટ સાથે #supportsmallbusiness #shopsmallbusiness હેશટેગ પણ જોડ્યું છે. વાસ્તવમાં સોનુ સૂદ શમીમ ખાનની લારી કે સામનાના પ્રમોશન માટે ગયો હતો.
સોનુ સૂદના વીડિયોએ લાખો લોકોના દિલ જીતી લીધા
સોનુ સૂદનો આ વીડિયો વાયરલ થયો છે. વીડિયોને લાખો વ્યૂઝ છે. સોનુ સૂદના આ વીડિયો પર હજારો લોકોએ કોમેન્ટ પણ કરી છે. ઘણા લોકોએ વીડિયો પર હાર્ટ ઇમોજી બનાવ્યા છે. નવી ફિલ્મ નીતિઓના લોન્ચિંગ માટે સોનુ સૂદ જમ્મુ-કાશ્મીર પહોંચ્યા હતા. આ કાર્યક્રમનો ઉદ્દેશ રાજ્યને મનોરંજન ઉદ્યોગ માટે સૌથી પસંદગીનું સ્થળ બનાવવાનો છે. સોનુ સૂદના વર્કફ્રન્ટની વાત કરીએ તો તે છેલ્લે ફિલ્મ 'સિમ્બા'માં જોવા મળ્યો હતો.
Click it and Unblock the Notifications
Sign in with Google
