Abhishek Bachchan Aishwarya Rai: ઐશ્વર્યા બચ્ચન અને અભિષેક બચ્ચનના છુટાછેડાની અફવાહ વચ્ચે સામે આવી સચ્ચાઇ
Abhishek Bachchan Aishwarya Rai: અભિષેક બચ્ચન અને ઐશ્વર્યા રાય બોલીવુડના ફેમસ કપલ્સમાંથી એક છે. જોકે, બંને છૂટાછેડાની અટકળોને કારણે છેલ્લા કેટલાક સમયથી હેડલાઇન્સમાં છે. આ દરમિયાન અભિષેક બચ્ચને કંઈક એવું કર્યું જેનાથી ફરી એકવાર આ તમામ અટકળો પર પૂર્ણવિરામ મૂકાઈ ગયું છે.
વાસ્તવમાં, 23 જુલાઈની સાંજે, અભિષેક બચ્ચન તેના ભત્રીજા અગસ્ત્ય નંદા અને તેની અફવા ગર્લફ્રેન્ડ સુહાના ખાન સાથે એક જ કારમાં જોવા મળ્યો હતો. મળતી માહિતી મુજબ, અભિનેતાએ નવી કાર ખરીદી છે અને અભિનેતાની કારનો નંબર તેની પત્ની ઐશ્વર્યા રાય સાથે કનેક્શન ધરાવે છે.
ઉલ્લેખનીય છે કે, અભિષેક બચ્ચનની નવી કારનો નંબર 5050 છે. તે નંબર અગાઉ તેમના મર્સિડીઝ-બેન્ઝ એસ-ક્લાસ પર જોવા મળ્યો હતો. જે હવે વેચાઈ ચુકી છે. એક પાપારાઝીએ અભિનેતાની નવી કારની તસવીર સોશિયલ મીડિયા પર શેર કરી છે. એ પણ જણાવ્યુ કે આ નંબર ઐશ્વર્યા રાયનો ફેવરિટ નંબર છે.
રિપોર્ટ્સનું માનીએ તો બચ્ચન પરિવારની મોટાભાગની કારના નંબર 5050 છે. હાલમાં સોશિયલ મીડિયા પર અભિષેક બચ્ચનની આ નવી કારની તસવીરો વાયરલ થઈ રહી છે. આ સાથે જ ફરી એકવાર અભિષેક અને ઐશ્વર્યા વચ્ચે છૂટાછેડાની અફવાઓનો અંત આવ્યો છે. કેટલાક લોકો કહે છે કે, બંને વચ્ચે બધું બરાબર છે.
ઉલ્લેખનીય છે કે, ઐશ્વર્યા રાયે પોતાની પુત્રી આરાધ્યા બચ્ચન સાથે અનંત અંબાણી અને રાધિકા મર્ચન્ટના લગ્નમાં હાજરી આપી હતી. ત્યાં બચ્ચન પરિવાર સાથે જોવા મળ્યો હતો.
અભિષેક અને ઐશ્વર્યાએ એક વખત પણ મીડિયા સામે પોઝ આપ્યા નથી. જે બાદ તેમના અલગ થવાની વાતો ચાલી હતી. એવા પણ અહેવાલ હતા કે, શ્વેતા બચ્ચનના કારણે ઐશ્વર્યા રાયે સાસરીનું ઘર છોડી દીધું હતું. જોકે, આ દંપતીએ અત્યાર સુધી આ મામલે મૌન જાળવ્યું છે.
Click it and Unblock the Notifications
Sign in with Google
