Video/Pics : હું જુમ્મા ચુમ્માનો ફૅન, પણ કૉપી નથી જુમ્મે કી રાત...

મુંબઈ, 21 જૂન : સુપર સ્ટાર સલમાન ખાને પોતાની આગામી ફિલ્મ કિકના ગીત જુમ્મે કી રાત... અને અમિતાભ બચ્ચનની ફિલ્મ હમના ગીત જુમ્મા ચુમ્મા દે દે... વચ્ચે કોઈ પણ જાતની સામ્યતા હોવાની વાત નકારી કાઢી છે.

સને 1991માં આવેલી ટીનૂ આનંદની ફિલ્મ હમનું ગીત જુમ્મા ચુમ્મા દે દે... ખૂબ જ લોકપ્રિય બન્યુ હતું કે જે અમિતાભ બચ્ચન અને કિમી કાટકર ઉપર શૂટ કરવામાં આવ્યુ હતું. બીજી બાજુ જુમ્મે કી રાત... ગીત સલમાન ખાન અને જૅકલીન ફર્નાન્ડીઝ ઉપર શૂટ કરાયું છે.

દરમિયાન ગઈકાલે જુમ્મે કી રાત... ગીતના લૉન્ચિંગ પ્રસંગે 48 વર્ષીય સલમાન ખાને કિક ફિલ્મના આ ગીતની જુમ્મા ચુમ્મા દે દે... સાથે સરખામણી કરવા સામે વાંધો ઉઠાવ્યો હતો. નિર્માતા-દિગ્દર્શક સાજિદ નડિયાદવાલા અને જૅકલીન ફર્નાન્ડીઝની હાજરીમાં યોજાયેલ આ ઇવેંટમાં કિ ફિલ્મના સંગીતકાર હિમેશ રેશમિયા પણ સલમાનની વહારે આવ્યા હતાં.

ચાલો તસવીરો સાથે જાણીએ કે શું કહ્યું સલમાન અને હિમેશે ?

જાણતો હતો આ પ્રશ્ન પૂછાશે

સલમાને જણાવ્યું - હું જાણતો હતો કે જુમ્મે કી રાત... ગીત અંગે જુમ્મા ચુમ્મા દે દે... સાથે સામ્યતા વિશે સવાલ પૂછાશે.

જુમ્મા-ચુમ્મા...નો ફૅન

સલમાને જણાવ્યું હું જુમ્મા ચુમ્મા દે દે...નો બિગ ફૅન છું. જ્યારે આ ગીત ટીવી પર આવતો, ત્યારે હું આખુ ગીત જોતો.

પણ મારૂં ગીત જુદું

સલમાને કહ્યું - પરંતુ મારૂ ગીત જુદુ છે. મારા ગીતનું કોરિયોગ્રાફી અહમદ ખાને કર્યું છે. મારા માટે ડાન્સ કરવો મુશ્કેલ થઈ પડ્યો હતો.

જુમ્મે કી રાત...ની ટીમ

જુમ્મે કી રાત... ગીત કુમાર અને શબ્બીર અહમદે લખ્યું છે. હિમેશ રેશમિયાના સંગીત દિગ્દર્શનમાં મીકા સિંહ અને પલક મુંછાલે તેને સ્વર આપ્યાં છે.

માત્ર જુમ્મા કૉમન

હિમેશ રેશમિયાએ કહ્યું કે માત્ર જુમ્મા શબ્દ કૉમન છે, પણ ગીતની ટ્યૂન અલગ છે.

બીજા ગીતો પણ ટુંકમાં

સલમાને જણાવ્યું કે કિકના બીજા ગીતો પણ ટુંકમાં જ રિલીઝ કરવામાં આવશે.

માણો જુમ્મે કી રાત... ગીત

માણો જુમ્મે કી રાત... ગીત માણવા બસ કરી દો ક્લિક.

English summary

Salman Khan talks about the latest song 'Jumme ki raat' from his upcoming film Kick and its comaprison with Amitabh Bachchan's 'Jumma chumma de de' song.