Pics : પિતાના ‘માર્ગે’ ચાલશે પ્રિયંકા, ઉદ્ધવે કર્યું અશોક ચોપરા માર્ગ નામકરણ!

Updated: Wednesday, June 11, 2014, 12:33 [IST]

મુંબઈ, 11 જૂન : બૉલીવુડ અભિનેત્રી પ્રિયંકા ચોપરાના સ્વર્ગસ્થ પિતા ડૉ. અશોક ચોપરાના નામ ઉપર યારી રોડના એક માર્ગનું નામકરણ કરવામાં આવ્યું છે. ગઈકાલે ડૉ. અશોક ચોપરાની પહેલી પુણ્યતિથિ હતી. આ પ્રસંગે મુંબઈમાં યોજાયેલ એક કાર્યક્રમમાં યારી રોડના એક માર્ગનું નામકરણ ડૉ. અશોક ચોપરા માર્ગ કરવામાં આવ્યું. આ રોડ પ્રિયંકાના ઘરની સામે જ છે. શિવસેના પ્રમુખ ઉદ્ધવ ઠાકરેએ આ માર્ગનું ઉદ્ઘાટન કર્યું.

મુંબઈ મ્યુનિસિપલ કૉર્પોરેશન (બીએમસી)એ ડૉ. અશોક ચોપરા પ્રત્યે સમ્માન દર્શાવતાં આ માર્ગનું તેમના નામે નામકરણ કર્યું છે. અંધેરી (પશ્ચિમ)થી થોડાક જ અંતરે યારી રોડ છે કે જે હવે લેફ્ટિનંગ કર્નલ ડૉ. અશોક ચોપરા માર્ગ તરીકે ઓળખાશે. ડૉ. ચોપરાનું ગત વર્ષે 10મી જૂન, 2013ના રોજ નિધન થયુ હતું. વ્યવસાયે તબીબ અશોક ચોપરા 1997માં ભારતીય સેનામાંથી લેફ્ટિનંટ કર્નલના પદેથી નિવૃત્ત થયા હતાં. કૅંસરના પગલે તેમનું મુંબઈમાં અંધેરી ખાતે આવેલી કોકિલાબેન ધીરૂભાઈ અંબાણી હૉસ્પિટલે નિધન થઈ ગયુ હતું.

આ પ્રસંગે પ્રિયંકા ચોપરાએ જણાવ્યું - આ માર્ગ અંગે મને ગત મહીને જ ખબર પડી. મને અને મારા પરિવારને બહુ આશ્ચર્ય થયું. અમે બહુ લાગણીશીલબનીગયા હતાં. મારા પિતાએ રોટરી વડે ઘણુ કામ કર્યું. આર્મીમાં પણ તેમણે બહુ કર્યું. આ માર્ગ અમારા ઘરેથી નિકળતા જ દેખાય છે અને તે જ માર્ગને મારા પિતાનું નામ આપવું, આ વાત મને બહુ લાગણીશીલ બનાવી દે છે. સમજાતું નથી કે હું કઈ રીતે વ્યક્ત કરું.

આ કાર્યક્રમમાં પ્રિયંકા ચોપરા ઉપરાંત તેમના માતા મધુ ચોપરા, ભાઈ સિદ્ધાર્થ ચોપરા, પિતરાઈ બહેન પરિણીતી ચોપરા તથા અન્ય સગા-સંબંધીઓ પણ હાજર રહ્યા હતાં. જુઓ તસવીરો :