જૉન અબ્રાહમે મુંબઈના ખારમાં ખરીદ્યો આલીશાન બંગલો, કિંમત જાણીને ચોંકી જશો

John Abraham New House: વર્ષ 2023માં બૉલિવુડની ઘણી હસ્તીઓએ પ્રોપર્ટીમાં મોટું રોકાણ કર્યું હતું. આલિયા ભટ્ટથી લઈને અનન્યા પાંડેએ કરોડો રૂપિયાના નવા એપાર્ટમેન્ટ ખરીદ્યા હતા. હવે આ લિસ્ટમાં બૉલિવુડનો હેન્ડસમ એક્ટર જૉન અબ્રાહમ પણ સામેલ થઈ ગયો છે.

જૉન અબ્રાહમે મુંબઈના ખાર સ્થિત લિંકિંગ રોડ પર નવો બંગલો ખરીદ્યો છે. અહેવાલ છે કે જૉન અબ્રાહમે મુંબઈના ખાર વિસ્તારમાં એક નવા અને આલીશાન ઘર માટે ડીલ ફાઈનલ કરી છે. તેણે આ નવી પ્રોપર્ટી 75 કરોડ રૂપિયામાં ખરીદી છે.

indextap.com અનુસાર, જૉન અબ્રાહમે 27 ડિસેમ્બર, 2023ના રોજ 70.8 કરોડ રૂપિયાના નવા ઘર માટે કરાર પર હસ્તાક્ષર કર્યા હતા. 4.25 કરોડની વધારાની રકમ સ્ટેમ્પ ડ્યુટી તરીકે ચૂકવવામાં આવી હતી.

જૉન અબ્રાહમના નવા બંગલાનું કુલ ક્ષેત્રફળ 7 હજાર 722 ચોરસ ફૂટ છે જ્યારે એકલા ઘરનું ક્ષેત્રફળ 5,416 ચોરસ ફૂટ છે. જૉન અબ્રાહમ આ નવા બંગલામાં પોતે રહેવા જઈ રહ્યો છે કે તેને ભાડે આપવા જઈ રહ્યો છે તે હજુ સુધી જાણી શકાયું નથી.

મળતી માહિતી મુજબ, જૉન અબ્રાહમની આ નવી પ્રોપર્ટી, 372 નિર્મલ ભવન, ગ્રાઉન્ડ-પ્લસ-બે માળનું બાંધકામ છે. જૉન અબ્રાહમ પહેલા આ મિલકતના માલિક પ્રવીણ નાથાલાલ શાહ અને પરિવાર હતા. ઇ ટાઇમ્સના અહેવાલ મુજબ, પ્રોપર્ટી માર્કેટના સૂત્રોએ જણાવ્યું છે કે આ પ્લૉટ લિંકિંગ રોડના પ્રાઇમ એરિયામાં સ્થિત છે, જે શહેરમાં સૌથી વધુ કૉમર્શિયલ પ્રોપર્ટી રેટ ધરાવે છે.

તમને જણાવી દઈએ કે જૉન અબ્રાહમ એ બૉલીવુડ સેલેબ્સની યાદીમાં સામેલ છે જેમણે રિયલ એસ્ટેટમાં ઘણું રોકાણ કર્યું છે. તેણે રતન શાહ નામના પારસી પરિવાર પાસેથી 2009માં મુંબઈની પેટિટ સ્કૂલ પાસેના યુનિયન પાર્કમાં પ્રાઇમ પ્લૉટ ખરીદ્યો હતો.

English summary

John Abraham bought luxurious bungalow in Khar Mumbai, Know the price details.