સામાન્ય છોકરાની અસામાન્ય વાર્તા : લાઇફ ઑફ પાઇ

Updated: Saturday, November 24, 2012, 12:11 [IST]

મુંબઈ, 24 નવેમ્બર : કહે છે કે જે માણસ પોતાની મદદ નથી કરતો, તેની મદદ ખુદા પણ નથી કરતો. કઈંક આવી જ થીમ સાથે હૉલીવુડ દિગ્દર્શક ઍં લીની ફિલ્મ લાઇફ ઑફ પાઇ આગળ વધે છે. ફિલ્મ જોયા બાદ હૃદયમાં માત્ર એક જ ખ્યાલ આવે છે કે માણસની અંદર જો જીવવાની ઇચ્છા હોય તો તે કોઈ પણ મુશ્કેલીમાંથી પોતાને ઉગારી શકે છે. ખુદાએ આ જીવન આપણને માત્ર એક જ વાર આપ્યું છે. હવે તે આપણી ઉપર છે કે આપણે તેની સાથે જોડાયેલ મુશ્કેલીઓથી ગભરાઈ તેનો સાથ છોડી દઇએ કે પછી દરેક મોટામાં મોટી મુશ્કેલીનો સામનો કરાતાં પણ તેનો હાથ પકડી રાખીએ.

વાર્તા : લાઇફ ઑફ પાઇ એક સામાન્ય છોકરા અબ્દુલ પાઈ પટેલની વાર્તા છે કે જે પોતાના પિતા સંતોષ પટેલ સાથે પૉન્ડિચેરી ખાતે રહે છે. પૉન્ડિચેરીમાં તેના પિતાનું એક પ્રાણી સંગ્રહાલય (ઝૂ) છે. એક દિવસ પાઈના પિતા બિઝનેસનો વ્યાપ વધારવા માટે શહેરથી બહાર જવાનો નિર્ણય કરે છે. તેઓ જળ માર્ગે ઝૂના પ્રાણીઓને લઈ કૅનેડા તરફ જાય છે, પરંતુ રસ્તામાં એક સમુદ્રી વાવાઝોડામાં ફસાઈ તેમનું વહાણ ઉંધી થઈ જાય છે. એક લાઇફ બોટમાં માત્ર પાઈ તથા તેના ઝૂના ચાર પ્રાણીઓ બચે છે. તેમાં બંગાળી વાઘ રિચર્ડ પાર્કર, ઝેબ્રા, લક્કડખોદ તથા વનમાનુષ છે. ધીરે-ધીરે સમય જાય છે અને વાઘને છોડી ત્રણેય પ્રાણીઓ મરી જાય છે. અંતે માત્ર પાઇ અને પાર્કર જ બચે છે.

પાઇના પાત્રમાં સૂરજ શર્માને લોકોએ ખૂબ પસંદ કર્યાં. કહે છે કે સૂરજે પાઇનું પાત્ર જીવ્યું છે. માત્ર તેની એક્ટિંગ નથી કરી. જીવનને કોઈ પણ ભોગે ન ગુમાવવાનો સાહસ તેમજ હિમ્મત, પોતાના સાથીઓને જીવતાં રાખવા પાઇનો મોત સાથે જંગ આ તમામ વાતોને સૂરજે ખૂબ જ સુંદર રીતે સ્ક્રીન પર ઉતારી છે. પાઇ ઉપરાંત શેરનું પાત્ર પણ ફિલ્મ જોતા વખતે દર્શકોના રુઆંટા ઊભા કરી દે છે.

હાલ જોઇએ લાઇફ ઑફ પાઇની તસવીરી ઝલક.