PM મોદીએ નાટૂ-નાટૂ ગીત માટે ટીમ આરઆરઆરને આપ્યા અભિનંદન, કહ્યુ - દેશને ગર્વ કરાવ્યો

આરઆરઆર ફિલ્મના નાટૂ-નાટૂ ગીતને બેસ્ટ ઓરિજિનલ સૉંગનો ગોલ્ડન ગ્લોબ અવૉર્ડ મળતા પીએમ મોદીએ ટીમને અભિનંદન આપ્યા. જાણો શું કહ્યુ.

Naatu Naatu Golden Globe Award: પ્રધાનમંત્રી નરેન્દ્ર મોદીએ આરઆરઆર ફિલ્મના નાટૂ-નાટૂ ગીતને ગોલ્ડન ગ્લોબ અવૉર્ડ મળવા પર ખુશી વ્યક્ત કરી અને ટીમને અભિનંદન પાઠવ્યા. તમને જણાવી દઈએ કે લૉસ એન્જેલસમાં 80માં ગોલ્ડન ગ્લોબ અવૉર્ડમાં ભારતમાંથી સાઉથની ફિલ્મ આરઆરઆરએ ઈતિહાસ રચી દીધો છે. નાટૂ-નાટૂ ગીતને બેસ્ટ ઑરિજિનલ કેટેગરીમાં વિનર જાહેર કરવામાં આવ્યુ છે. બૉલિવુડથી લઈને સાઉથ ઈન્ડસ્ટ્રીમાં ઉજવણીનો માહોલ છે.

પીએમ મોદીએ આરઆરઆર ટીમને કહી આ વાત

આ જીત પર પ્રધાનમંત્રી મોદીએ ટ્વિટ કરીને લખ્યુ, 'એક ખૂબ જ ખાસ ઉપલબ્ધિ! હું સમગ્ર આરઆરઆર ટીમને અભિનંદન પાઠવુ છુ. આ પ્રતિષ્ઠિત સમ્માને દરેક ભારતીયને ખૂબ જ ગૌરવાન્વિત કર્યા છે.'

A very special accomplishment! Compliments to @mmkeeravaani, Prem Rakshith, Kaala Bhairava, Chandrabose, @Rahulsipligunj. I also congratulate @ssrajamouli, @tarak9999, @AlwaysRamCharan and the entire team of @RRRMovie. This prestigious honour has made every Indian very proud. https://t.co/zYRLCCeGdE

— Narendra Modi (@narendramodi) January 11, 2023

શાહરુખ ખાને પણ આપ્યા અભિનંદન

બૉલિવુડમાંથી પણ આરઆરઆરને અઢળક શુભકામનાઓ મળી રહી છે. બૉલિવુડના સુપર સ્ટાર શાહરુખ કાને પણ ટ્વિટ કરીને ખુશી વ્યક્ત કરી. તેમણે લખ્યુ, 'સર હજુ હાલ જ ઉઠ્યા અને ગોલ્ડન ગ્લોબ્સમાં તમારી જીતની ઉજવણી મનાવતા નાટૂ-નાટૂ પર નાચવાનુ શરુ કરી દીધુ. હજુ ઘણા બીજા અવૉર્ડ આવવાના છે અને ભારતને પ્રાઉડ કરાવવાનુ છે.'

Sir just woke up and started dancing to Naatu Naatu celebrating your win at Golden Globes. Here’s to many more awards & making India so proud!! https://t.co/Xjv9V900Xo

— Shah Rukh Khan (@iamsrk) January 11, 2023

તમને જણાવી દઈએ કે બેસ્ટ ઓરિજિનલ સૉગ કેટેગરીમાં અન્ય અમુક ગીતો નોમિનેટ થયા હતા, જેમાં ટેઈલ શિફ્ટનુ વેર ધ ક્રાઉડેડ્સ સિંગ, સિયાઓ પાપાના ટોરોનો પિનોચિઓ, લેડી ગાગાનુ હોલ્ડ માય હેન્ડનો સમાવેશ થાય છે. આરઆરઆર ફિલ્મ લોકોને ખૂબ પસંદ આવી હતી. આ ફિલ્મમાં જુનિયર એનટીઆર અને રામચરણે સ્વતંત્રતા સેનાનીની ભૂમિકા ભજવી હતી.

English summary

Naatu Naatu Golden Globe Award: PM Modi congratulate team RRR, said, Naatu Naatu made India proud.