ફાયર બ્રાન્ડ ‘સીતા’ કોની સામે થઈ પાણી-પાણી?
મુંબઈ, 16 ડિસેમ્બર : ફાયર બ્રાન્ડ સીતા એટલે કે નંદિતા દાસ આજકાલ પરેશાન છે. અત્યાર સુધીના ફિલ્મી કૅરિયરમાં ક્યારેય પડદા ઉપર ડાન્સ નહીં કરનાર નંદિતા હવે ડાન્સ કરવામાં માત્ર મુશ્કેલી જ નથી અનુભવી રહ્યાં, પણ તેમના ડાન્સ ટીચર પણ એટલા કડક છે કે નંદિતા પાણી-પાણી થઈ રહ્યાં છે.
નોંધનીય છે કે સરોજ ખાન પોતાના સખત શિસ્ત અને સુચનો માટે જાણીતા છે. અભિનેત્રી રવીના ટંડન સુદ્ધાને પોતાની કડકાઈ વડે રડાવી દેવા માટે ચર્ચિત સરોજ ખાનના કારણે નંદિતા દાસની રાતોની ઊંઘ હરામ થઈ ગઈ છે. બૉલીવુડમાં ડાન્સ ક્ષેત્રે પહેલી વાર પગલુ મૂકતાં નંદિતાએ ક્ષોભ સાથે જણાવ્યું - શું આપ વિશ્વાસ કરશો કે વીતેલા વર્ષોમાં મેં ક્યારેય પડદા ઉપર નૃત્ય નથી કર્યું. કદાચ તેથી જ પડદા ઉપર અને પડદાથી અલગ બંને જગ્યાએ મારી ખાસ છબી છે, પણ મને ડાન્સ કરતા પણ મજા આવી રહી છે. અને હું તે સાબિત કરીને જ જંપીશ.
એક કડક માસ્ટર તરીકે જાણીતા સરોજ ખાન નંદિતા દાસને લટકા-ઝટકાની તાલીમ આપી રહ્યાં છે. સ્વાબાવિક છે કે નંદિતા દાસ તેમાં સહજ નથી, કારણ કે પોતાના ફિલ્મી કૅરિયરમાં તેમણે ફાયર, અર્થ અને બવંડર જેવી ફિલ્મો કરી છે.
Click it and Unblock the Notifications
Sign in with Google
