Box Office: આ વર્ષની બીજી મોટી હિટ નીરજા, સની દેઓલને પાછળ પાડ્યો!

Published: Friday, February 26, 2016, 17:29 [IST]

સોનમ કપૂરની ફિલ્મ નીરજા ગત શુક્રવારે રિલિઝ થઇ ગઇ છે. આ ફિલ્મ આ વર્ષની અત્યાર સુધીની સૌથી મોટી હિટ સાબિત થઇ છે. લગભગ 18 કરોડની કિંમતે બનેલી આ ફિલ્મ અત્યાર સુધી 35.32 કરોડની કમાણી કરી ચૂકી છે. અને હજી પણ થિયેટરમાં તેની પકડ મજબૂત છે.

રામ માધવાનના નિર્દેશનમાં બનેલી આ ફિલ્મની દર્શકો લાંબા સમયથી રાહ જોઇ રહ્યા હતા. અને તેવી આશા સેવાઇ રહી હતી કે આ ફિલ્મ એક સારી ઓપનિંગ આપે. ત્યારે આ ફિલ્મે ક્રિટીકના મોઢે અને દર્શકોના મોઢે તો વખાણ કરાવ્યા જ છે. સારું કલેક્શન પણ આપ્યું છે. અને વિદેશોમાં પણ આ ફિલ્મ સારો વેપાર કરી રહી છે. ત્યારે નીરજા ફિલ્મે બોક્સઓફિસ પર અત્યાર સુધી કેવા કેવા રેકોર્ડ તોડ્યા છે અને કેટલી કમાણી કરી છે તે વિષે જાણો નીચેના આ ફોટોસ્લાઇડરમાં...

નીરજા

નીરજાએ એક અઠવાડિયામાં 35 કરોડનું કલેક્શન કર્યું છે. અને આ દ્વારા તે એરલિફ્ટ બાદ આ વર્ષની સૌથી વધુ કમાણી કરનારી ફિલ્મ બની ગઇ છે.

એરલિફ્ટ

અક્ષય કુમારની ફિલ્મ એરલિફ્ટે એક વીકમાં 83.5 કરોડનું કલેક્શન કર્યું હતું. અને સાથે જ આ ફિલ્મ બોલીવૂડની 2016ની પહેલી હિટ ફિલ્મ બની હતી.

ઘાયલ વન્સ અગેન

સની દેઓલની ફિલ્મ ઘાયલ વન્સ અગેને એક જ અઠવાડિયામાં 33.25 કરોડનું કલેક્શન કર્યું હતું .પણ હવે આ રેકોર્ડ નીરજાએ તોડી દીધો છે.

વઝીર

ફરહાન અખ્તર અને અમિતાભ બચ્ચનની ફિલ્મ વઝીરથી અપેક્ષા બહુ હતી પણ વઝીરે પહેલા વીકમાં 29.9 કરોડનો વેપાર કર્યો હતો.

ક્યા કૂલ હૈ હમ 3

ક્યા કૂલ હૈ હમ 3એ પહેલા વીકમાં 29.65 કરોડની કમાણી કરી હતી. જો કે આ ફિલ્મ પણ વઝીરની માફક ફ્લોપ ગઇ હતી.

ફિતૂર

કેટરીના કૈફ અને આદિત્ય રોય કપૂરની ફિલ્મ ફિતૂરએ પહેલા વીકમાં ખાલી 17.5 કરોડનું કલેક્શન કર્યું હતું. એટલે કે તેનું કલેક્શન ક્યા કૂલ હૈ 3 કરતા પણ ખરાબ હતું.