નોરા ફતેહીએ જેકલીન ફર્નાન્ડિઝ પર કર્યો માનહાનિનો કેસ, 200 કરોડની કરી માંગ

નોરા ફતેહીએ જેકલીન ફર્નાન્ડિઝ પર કર્યો માનહાનિનોરા ફતેહીએ સુકેશ દ્વારા આપવામાં આવેલા ગિફ્ટના આરોપોને નકારી કાઢ્યા હતા. નોરાએ કહ્યું કે મીડિયા ટ્રાયલને કારણે તેની પ્રતિષ્ઠાને ઠેસ પહોંચી છે. નોરા પર આરોપ હતો કે સુકેશે નોરા ફતેહીના સાળા બોબીને 65 લાખની કિંમતની BMW કાર ગિફ્ટ કરી હતી. જે બાદ પૂછપરછ દરમિયાન ખુલાસો થયો કે સુકેશે તેને ચોક્કસ BMW કાર ઓફર કરી હતી પરંતુ તેણે તે લેવાની ના પાડી દીધી હતી. નોરાને શરૂઆતથી જ શંકા હતી, સુકેશ સતત ફોન કરતો હતો. જે બાદ નોરાએ સુકેશનો નંબર બ્લોક કરી દીધો હતો.

નોરા ફતેહીએ જેકલીન પર કર્યો માનહાનિનો કેસ

જેકલીન ફર્નાન્ડિઝની મુશ્કેલીઓ ઓછી થવાનું નામ નથી લઈ રહી. હવે અભિનેત્રી નોરા ફતેહીએ જેકલીન સામે માનહાનિનો કેસ દાખલ કર્યો છે. નોરા ફતેહીએ આરોપ લગાવ્યો હતો કે જેકલીન ફર્નાન્ડિઝે તેની પ્રતિષ્ઠાને બદનામ કરવા તેના પર આરોપો લગાવ્યા હતા અને તેના કારણે તેની બદનામી થઇ હતી.

તેના નામનો ખોટો ઉપયોગ કરાયો

નોરા ફતેહીએ તેની ફરિયાદમાં જણાવ્યું હતું કે, "જેકલીન ફર્નાન્ડિસે ફરિયાદીને તેના હિતોને આગળ વધારવા માટે ગુનાહિત રીતે બદનામ કરવાનો પ્રયાસ કર્યો છે, કારણ કે તે બંને એક જ ઇન્ડસ્ટ્રીમાં કામ કરે છે અને સમાન બેકગ્રાઉન્ડ ધરાવે છે." નોરાએ આરોપ લગાવ્યો હતો કે ઠગ સુકેશ ચંદ્રશેખરને સંડોવતા 200 કરોડના મની લોન્ડરિંગ કેસમાં તેના નામનો બળજબરીથી ઉપયોગ કરવામાં આવ્યો હતો. નોરાએ કહ્યું કે તે મારા ઠગને પણ ઓળખતી નથી. તે સુકેશની પત્ની લીના મારિયા પોલ દ્વારા જ સુકેશને ઓળખતી હતી.

મની લોન્ડરિંગ કેસમાં જેકલીન - નોરાની કરાઇ હતી પુછપરછ

નોરા ફતેહીએ PMLA કોર્ટમાં લેખિત અરજી પર જેકલીન વિરુદ્ધ માનહાનિનો કેસ દાખલ કર્યો હતો. જેમાં તેણે કહ્યું હતું કે ED દ્વારા તેને ખોટી રીતે ફસાવવામાં આવી રહી છે, જ્યારે નોરા ફતેહી જેવી સેલેબ્સ, જેમને કોનમેન સુકેશ ચંદ્રશેખર તરફથી ભેટ પણ મળી હતી, તેમને સાક્ષી બનાવવામાં આવ્યા હતા. તમને જણાવી દઈએ કે એન્ફોર્સમેન્ટ ડિરેક્ટોરેટ (ED) દ્વારા કોનમેન સુકેશ ચંદ્રશેખર વિરુદ્ધ નોંધાયેલા મની લોન્ડરિંગ કેસમાં જેકલીન ફર્નાન્ડીઝ અને નોરા ફતેહી બંનેની પૂછપરછ કરવામાં આવી હતી.

નોરાએ ગિફ્ટના આરોપો ફગાવ્યા

નોરા ફતેહીએ સુકેશ દ્વારા આપવામાં આવેલા ગિફ્ટના આરોપોને નકારી કાઢ્યા હતા. નોરાએ કહ્યું કે મીડિયા ટ્રાયલને કારણે તેની પ્રતિષ્ઠાને ઠેસ પહોંચી છે. નોરા પર આરોપ હતો કે સુકેશે નોરા ફતેહીના સાળા બોબીને 65 લાખની કિંમતની BMW કાર ગિફ્ટ કરી હતી. જે બાદ પૂછપરછ દરમિયાન ખુલાસો થયો કે સુકેશે તેને ચોક્કસ BMW કાર ઓફર કરી હતી પરંતુ તેણે તે લેવાની ના પાડી દીધી હતી. નોરાને શરૂઆતથી જ શંકા હતી, સુકેશ સતત ફોન કરતો હતો. જે બાદ નોરાએ સુકેશનો નંબર બ્લોક કરી દીધો હતો.

નોરાએ મીડિયા હાઉસ પર પણ લગાવ્યા આરોપ

જેકલીન ફર્નાન્ડિઝ ઉપરાંત નોરા ફતેહીએ પોતાની માનહાનિની ​​અરજીમાં અનેક મીડિયા હાઉસનું નામ પણ લીધું છે. તેણે આક્ષેપ કર્યો હતો કે "કેટલાક મીડિયા હાઉસ દ્વારા તેને બદનામ કરવામાં આવી હતી જે એક મોબ લિંચિગ સમાન છે." આ બધુ "જેકલીન ફર્નાન્ડીઝના કહેવાથી" થયું હતું.

English summary

Nora Fatehi sues Jacqueline Fernandez for Rs 200 crore for defamation