Pics : કેમ ફીકો છે આજે દિલીપ સાહેબનો જન્મ દિવસ ?

Published: Tuesday, December 11, 2012, 16:48 [IST]

મુંબઈ, 11 ડિસેમ્બર : આજે બૉલીવુડના ટ્રેજેડી કિંગ દિલીપ કુમારનો 90મો જન્મ દિવસ છે. સામાન્ય જીવનમાં યુસુફ ખાન તરીકે કહેવાતાં દિલીપ કુમારે બૉલીવુડમાં જે મુકામ હાસલ કર્યો છે તે અભિનય સમ્રાટની ઉપાધિ અપાવી ચુક્યો છે. એટલે જ તો દિલીપ સાહેબના અભિનયની નકલ અમિતાભથી માંડી શાહરુખ સુધી કરતાં આવ્યાં છે. દિલીપ કુમાર વગર નહોતી મુઘલ-એ-આઝમ બની શકી હોત અને ન સૌદાગર.

અભિનયના આ નાયાબ બાદશાહના ચાહકો કરોડોમાં છે. એટલે જ તો જેવું જ તેમણે ગત વર્ષે પોતાનું ટ્વિટર ઍકાઉંટ ખોલ્યું કે એક જ દિવસમાં તેમને ફૉલો કરનારાઓની સંખ્યા 80 હજાર થઈ ગઈ હતી. તેમની સાથે માત્ર 12 વરસની વયે પ્રેમ કરનાર પત્ની સાયરાબાનુ આજે તેમનો જન્મ દિવસ ખૂબ જ સાદગીપૂર્વક ઉજવી રહ્યાં છે, કારણ કે તેમના પતિ એવું ઇચ્છે છે.

આખરે દિલીપ સાહેબ એમ કેમ કરી રહ્યાં છે કે જ્યારે ગત વર્ષે તેમનો જન્મ દિવસ ખૂબ જ શાન સાથે અને ધૂમધામપૂર્વક રીતે ઉજવાયો હતો તથા એવું ઘણું બધું થયુ હતું કે જે કલ્પી શકવું ખૂબ મુશ્કેલ છે. કારણ કે આ વખતે દિલીપ સાહેબે પોતાના અનેક સાથીઓ જેમ કે દારા સિંહ, રાજેશ ખન્ના,યશ ચોપરા અને બાળા સાહેબ ઠાકરેને ગુમાવી દીધાં છે.

આવો આપને બતાવીએ દિલીપ સાહેબના 89મા જન્મ દિવસની પાર્ટીની કેટલીક તસવીરો.