Pics : હાર્પર્સ બઝાર માટે રોમાંટિક બન્યાં સૈફ-કરીના!
મુંબઈ, 4 ઑક્ટોબર : બૉલીવુડનું હૉટ કપલ સૈફ અલી ખાન અને કરીના કપૂરના લગ્નની પ્રથમ વર્ષગાંઠ આવી રહી છે. સૈફ-કરીના ગત વર્ષે 16મી ઑક્ટોબરે લગ્નગ્રંથિથી જોડાયા હતાં, પરંતુ આ બંનેએ ફર્સ્ટ એનિવર્સરી પહેલા જ પુનઃ એક વાર દુલ્હા-દુલ્હનનો અવતાર ધર્યો છે.
આપ ચોંકી ગયા ને! ચોંકવાનું કોઈ કારણ નથી. સૈફ અને કરીનાએ તાજેતરમાં જ એક મૅગેઝીન માટે કવર ફોટોશૂટ કરાવ્યું છે. આ ફોટોશૂટ દરમિયાન સૈફ-કરીનાએ ખૂબ જ રોમાંટિક પળો વિતાવ્યાં. હાર્પર્સ બઝાર ઇન્ડિયાની ઑક્ટોબર 2013ની આવૃત્તિમાં મિસ્ટર એન્ડ મિસિસ ખાન દુલ્હા-દુલ્હન તરીકે અવતરિત થયા છે. સૈફ અલી ખાન અને કરીના કપૂરે ગત 16મી ઑક્ટોબર, 2012ના રોજ લગ્ન કર્યા હતાં. લગ્ન અગાઉ અને લગ્ન બાદ પણ આ કપલ સતત ચર્ચામાં રહેતુ આવ્યું છે.
આવો તસવીરો સાથે જાણીએ હૉટ કપલ સૈફીના અંગે વધુ વિગતો :
બૉલીવુડનું હૉટ કપલ
સૈફ અલી ખાન અને કરીના કપૂર બૉલીવુડનું હૉટ કપલ ગણાય છે. બંનેએ ગત 16મી ઑક્ટોબર, 2012ના રોજ લગ્ન કર્યા હતાં.
ફર્સ્ટ એનિવર્સરી
સૈફ-કરીનાના લગ્નની પ્રથમ વર્ષગાંઠ એટલે કે ફર્સ્ટ એનિવર્સરી આગામી 16મી ઑક્ટબરે આવી રહી છે.
સતત ચર્ચિત કપલ
લગ્ન અગાઉ અને લગ્ન બાદ પણ આ કપલ સતત ચર્ચામાં રહેતુ આવ્યું છે.
સામાન્ય કપલ ગણાવતાં કરીના
કરીના કપૂર કહે છે કે બીજા પરિણીત યુગલોની જેમ જ તેઓ અને સૈફ અલી ખાન પણ એક સામાન્ય પરિણીત યુગલ છીએ.
બાળકો અંગે સતત પ્રશ્ન
લગ્ન બાદથી જ કરીના કપૂર સામે સૈફના બાળકના માતા બનવા અંગેનો પ્રશ્ન પૂછાતો રહ્યો છે, પણ કરીના સતત કહેતા આવ્યાં છે કે બાળક માટે તેમને કોઈ ઉતાવળ નથી.
લંડનમાં ઉજવ્યો જન્મ દિવસ
કરીના કપૂરનો ગત 21મી સપ્ટેમ્બરે 33મો જન્મ દિવસ હતો. તેઓ સૈફ સાથે જન્મ દિવસની ઉજવણી કરવા લંડન ગયા હતાં.
લગ્ન બાદ પહેલી વાર પડદા ઉપર
સૈફ-કરીના લગ્ન બાદ પ્રથમ વાર એક સાથે રૂપેરી પડદે ઇશ્ક લડાવતાં નજરે પડશે. તિગ્માંશુ ધુલિયાની બેગમ સમરૂમાં બંને સાથે દેખાશે.