VIDEO: પાકિસ્તાનમાં શો કરવા પર મીકા સિંહે માંગી માફી, બાદમાં પ્રેસ કૉન્ફરન્સ વચમાં છોડી જતા રહ્યા

ગાયક મીકા સિંહે પાકિસ્તાનમાં પોતાના પર્ફોર્મન્સ માટે માફી માંગી છે. પાકિસ્તાનમાં શો કર્યા બાદ મુશ્કેલીમાં ફસાયેલા મીકા સિંહે બુધવારે પ્રેસ કૉન્ફરન્સ કરી. આ પ્રેસ કૉન્ફરન્સ દરમિયાન તેમણે પાકિસ્તાનમાં પોતાના શો માટે માફી માંગી પરંતુ થોડી વાર પછી પત્રકારોના સવાલોથી હેરાન થઈ વચમાં જ પીસી છોડીને જતા રહ્યા.

મીકા સિંહે પાકિસ્તાન જવાના પોતાના નિર્ણય માટે માંફી માંગી અને કહ્યુ કે હું આના માટે ફેડરેશન અને આખા દેશની માફી માંગુ છુ. તેમણે કહ્યુ કે ભારતમાં કોઈ પણ પાકિસ્તાની કલાકારનું સ્વાગત નથી અને તેમનુ પૂરુ જોર ભારતમાં હાજર ટેલેન્ટને આગળ વધારવા પર રહેશે. મીકીના માફીનામા બાદ ફેડરેશને મીકા પરથી બેન હટાવવાની ઘોષણા કરી.

તેમણે કહ્યુ કે પાકિસ્તાનમાં તેમના શોનો કોન્ટ્રાક્ટ બહુ જૂનો હતો અને તેમના માટે શો કરવો બહુ જરૂરી નહોતો. જો કે તેમણે માન્યુ કે આ તેમની ભૂલ હતી. તેમણે એ પણ કહ્યુ કે તેમનાથી આવી ભૂલ ફરીથી નહિ થાય. મીકા સિંહે પહેલા તો માફી માંગી પરંતુ થોડી વાર બાદ મીડિયાના સવાલોથી ઈરિટેટ થતા દેખાયા. તેમણે ઉલ્ટા મીડિયા પર જ સવાલ ઉઠાવ્યા અને કહ્યુ કે સોનુ નિગમ, શાન જેવા સિંગર્સને કામ નથી મળતુ પરંતુ આતિફ અસલમના ગીતો હજુ પણ સાંભળવા મળે છે. તેમણે કહ્યુ કે જો આ નિયમ બધા માટે લાગુ હોય તો તે પણ અગ્રી કરશે.

English summary

Singer Mika Singh apologize for his performance in Pakistan: It wasn't that I was adamant on performing there, it was a coincidence that I went there.