કોણ છે અભિનેત્રી લીના મારિયા પોલ? મની લોન્ડરિંગ મામલે 26 કાર કરાશે જપ્ત

EDએ અત્યાર સુધીમાં કરોડો રૂપિયાના મની લોન્ડરિંગ કેસમાં ચંદ્રશેખર, લીના, પિંકી ઈરાની અને અન્ય સહિત આઠ લોકોની ધરપકડ કરી છે જેમાં કોનમેન સુકેશ ચંદ્રશેખર સામેલ છે. લીનાએ 'મદ્રાસ કેફે'માં તમિલ બળવાખોરનો નાનો રોલ કર્યો હતો.

સુકેશ ચંદ્રશેખર સાથે સંકળાયેલા રૂ. 200 કરોડનો મની લોન્ડરિંગ કેસ સતત ચર્ચામાં રહ્યો છે. આ કેસ અંગે દિલ્હીની પટિયાલા હાઉસ કોર્ટમાં સુનાવણી ચાલી રહી છે. જે અંતર્ગત મંગળવારે અભિનેત્રી જેકલીન ફર્નાન્ડીઝ સુનાવણી માટે પહોંચી હતી. જેકલીને 23 ડિસેમ્બરથી બહેરીન જવાની પરવાનગી માટે અરજી કરી હતી. જેના સંદર્ભમાં કોર્ટે EDને 22 ડિસેમ્બર સુધીમાં જવાબ દાખલ કરવાનો નિર્દેશ આપ્યો છે.

કોર્ટે મની લોન્ડરિંગ કેસમાં EDને અભિનેત્રી લીના મારિયા પોલની 26 કારનો કબજો લેવાની મંજૂરી આપી છે. EDએ અત્યાર સુધીમાં કરોડો રૂપિયાના મની લોન્ડરિંગ કેસમાં ચંદ્રશેખર, લીના, પિંકી ઈરાની અને અન્ય સહિત આઠ લોકોની ધરપકડ કરી છે. જાણો કોણ છે અભિનેત્રી લીના મારિયા પોલ?

ફિલ્મ મદ્રાસ કાફેમાં નજર આવી હતી લીના મારિયા

EDએ અત્યાર સુધીમાં કરોડો રૂપિયાના મની લોન્ડરિંગ કેસમાં ચંદ્રશેખર, લીના, પિંકી ઈરાની અને અન્ય સહિત આઠ લોકોની ધરપકડ કરી છે જેમાં કોનમેન સુકેશ ચંદ્રશેખર સામેલ છે. આ સાથે દિલ્હીની એક કોર્ટમાં બે ચાર્જશીટ પણ દાખલ કરવામાં આવી છે. લીના મારિયા પોલ ખૂબ જ ટૂંકા ગાળાની અભિનેત્રી છે. જેમણે શૂજિત સરકારની 'મદ્રાસ કેફે'માં તમિલ બળવાખોરનો નાનો રોલ કર્યો હતો. આ સિવાય તે ઘણી ફિલ્મોમાં પણ જોવા મળી છે.

કોણ છે લીના મારિયા પોલ?

મીડિયા અહેવાલો અનુસાર લીનાએ 2009માં મોહનલાલ સ્ટારર 'રેડ ચિલીઝ' સાથે તેની કારકિર્દીની શરૂઆત કરી હતી અને ત્યારથી તે 'હસબન્ડ્સ ઇન ગોવા', 'કોબ્રા' અને 'બિરયાની' જેવી ફિલ્મોમાં જોવા મળી હતી. એક સમાચાર અનુસાર, લીનાએ બેંગ્લોરમાં ડેટિસ્ટ બનવાની ટ્રેનિંગ લીધી હતી, પરંતુ બાદમાં તેને ફિલ્મો માટે છોડી દીધી અને આ ઈન્ડસ્ટ્રીમાં આગળ વધી. લીના મારિયા પોલ કોનમેન સુકેશ ચંદ્રશેખરની પત્ની છે. પોલની અગાઉ 2013માં ચંદ્રશેખર સાથે ચેન્નાઈની એક બેંકને રૂ. 19 કરોડની છેતરપિંડી કરવા બદલ ધરપકડ કરવામાં આવી હતી. પોલની ધરપકડ દરમિયાન પોલીસે નવ મોંઘી કાર અને 81 મોંઘી ઘડિયાળો જપ્ત કરી હતી.

ઘણીવાર થઇ ચુકી છે ગિરફ્તાર

બંને જામીન મેળવીને મુંબઈ આવ્યા હતા. ગોરેગાંવના બે સહયોગીઓ સાથે રૂ. 10 કરોડના કૌભાંડમાં કથિત સંડોવણી બદલ 2015માં આ દંપતીની ફરી ધરપકડ કરવામાં આવી હતી. ડિસેમ્બર 2018 માં, કોચીમાં તેના બ્યુટી પાર્લર પર ગોળીબારના કારણે પોલ ફરીથી હેડલાઇન્સમાં આવ્યા. 2019માં પકડાયેલ કુખ્યાત અંડરવર્લ્ડ ડોન રવિ સુલિયા પૂજારી આ હાઈપ્રોફાઈલ કેસમાં સામેલ હોવાનું કહેવાય છે.

સપ્ટેમ્બરમાં થઇ હતી ગિરફ્તારી

હાલમાં સુકેશ ચંદ્રશેખર અને તેની પત્ની લીના મારિયા પોલ રેનબેક્સીના ભૂતપૂર્વ પ્રમોટર શિવેન્દ્ર સિંહની પત્ની અદિતિ સિંહ સાથે રૂ. 10 લાખની છેતરપિંડી કરવા બદલ ન્યાયિક કસ્ટડીમાં છે. તમને જણાવી દઈએ કે ચંદ્રશેખર અને તેની એક્ટર પત્ની લીનાની દિલ્હી પોલીસે ગયા વર્ષે સપ્ટેમ્બરમાં છેતરપિંડીના કેસમાં ધરપકડ કરી હતી.

English summary

Who is actress Lina Maria Paul? 26 cars will be confiscated in the money laundering case