પચાસ વર્ષનો થયો જેમ્સ બૉન્ડ : જુઓ તસવીરો

Updated: Wednesday, March 6, 2013, 12:54 [IST]

મુંબઈ, 1 નવેમ્બર : બાળકોથી માંડી વૃદ્ધોના દિલમાં વસનાર જ જેમ્સ બૉન્ડ હવે પચાસ વર્ષનો થઈ ગયો છે. 1962માં સૌપ્રથમ સીન કોનરીએ જેમ્સ બૉન્ડનો રોલ કર્યો. ત્યારથી જ જેમ્સ બૉન્ડ એટલાં પૉપ્યુલર થઈ ગયાં કે એક પછી એક જેમ્સ બૉન્ડ સિરીઝ આવવા લાગી. સીન કોનરીએ ડૉ નંબર, ફ્રૉમ રશિયા વિથ લવ, ગોલ્ડ ફિંગર, થંડર બૉલ, યૂ ઑન્લી લિવ ટ્વાઇટ્સ ફિલ્મો કરી.

સીન કોનરી બાદ જ્યૉર્જ લેઝનબી, સીન કોનરી રિટર્ન, રૉગર મૂરે, ટિમોછી ડાલ્ટન, પીયર્સ બ્રોસનન ડેનિયલ ક્રેગે જેમ્સ બૉન્ડ સિરીઝમાં કામ કર્યું તથા જેમ્સ બૉન્ડને દરેક વર્ગના લોકોમાં લોકપ્રિય કરી નાંખ્યાં. જેમ્સ બૉન્ડની અનેક કૉમિક સિરીઝો પણ આવી અને કૉમિક સિરીઝો બાળકોમાં ખૂબ લોકપ્રિય બની.

આ વર્ષે જેમ્સ બૉન્ડની એક નવી ફિલ્મ રિલીઝ થવાની છે સ્કાયફૉલ. અને આ ફિલ્મ સાથે જેમ્સ બૉન્ડની લોકપ્રિયતાના 50 વરસ પૂરાં થઈ જશે. જેમ્સ બૉન્ડની આ પચાસ વર્ષની સફળતામાં અનેક ઉતાર-ચડાવ પણ આવ્યાં છે, પરંતુ જેમ્સ બૉન્ડ કાયમ પોતાની નવી ફિલ્મથી એક નવો બૉક્સ ઑફિસ રેકૉર્ડ તૈયાર કરતો રહ્યો છે.

જેમ્સ બૉન્ડથી હૉલીવુડ જ નહિં, પણ આપણાં બૉલીવુડ સિતારાઓ પણ ખૂબ પ્રભાવિત છે. આપણાં કિંગ ખાન એટલે કે શાહરુખ ખાન પણ જેમ્સ બૉન્ડ બનવા માંગે છે. એમ તો શાહરુખે બૉલીવુડમાં પણ અનેક સુપર હીરો પાત્રો ભજવ્યાં છે જેમ કે ડૉન, રા.વન, પરંતુ જેમ્સની સફળતાની આગળ આ પાત્ર કઈં પણ નથી. તેથી હવે શાહરુખ ખાન ઇચ્છે છે કે તેમને પણ જેમ્સ બૉન્ડ બનવાની તક મળે.