દારૂના નશામાં કાર ચલાવતાં જસ્ટિન બીબરની ધરપકડ

Updated: Monday, July 14, 2014, 18:38 [IST]

મિયામી, 24 જાન્યુઆરી : હૉલીવુડમાં ટીનેજર્સના આદર્શ ગાયક જસ્ટિન બીબરની ગુરુવારે સવારે મિયામી બીચ ઉપર દારૂ પીને વાહન ચલાવવાના આરોપસર ધરપકડ કરવામાં આવી હતી. આ માહિતી પોલીસ દ્વારા આપવામાં આવી.

મિયામી બીચના ડિટેક્ટિવ બૉબ હર્નેનડેઝે મીડિયાને જણાવ્યું કે શહેરના વસવાટ ધરાવતા વિસ્તારમાં બે કારો વચ્ચે રેસ ચાલી રહી હતી અને અધિકારીઓએ બંને કાર ચાલકોની ધરપકડ કરી હતી કે જેમાં એક જસ્ટિન બીબર પણ હતાં. 19 વર્ષીય જસ્ટિન બીબર દારૂના નશામાં કાર ચલાવી રહ્યા હતાં.

મળતી માહિતી મુજબ જસ્ટિન બીબરને પોલીસ પકડીને લઈ ગઈ અને પોલીસ સ્ટેશને તેમની પૂછપરછ કરવામાં આવી. શરુઆતમાં બીબરના વકીલના નામ અંગે ખુલાસો થયો નહોતો અને કલાકો બાદ પણ એ પણ જાણવા મળ્યુ નહોતું વકીલ ક્યારેય જસ્ટિન બીબરની જામની માટેની અરજી આપશે, પરંતુ થોડાક કલાક પહેલા જ બીબરને જામીન મળી ગયા છે અને તેઓ મુક્ત કરી દેવાયાં છે.