ફાસ્ટ એન્ડ ફ્યુરિયસ ફૅમ પૉલ વૉકરનું અકસ્માતમાં મોત!

હૉલીવુડની હિટ સિરીઝ ફાસ્ટ એન્ડ ફ્યુરિયસ ફિલ્મના સ્ટાર પૉલ વૉકરનું શનિવાર રાત્રે નિધન થઈ ગયું. પૉલ બપોરના સમયે પોતાની કારમાં જતા હતાં કે અચાનક રસ્તામાં તેમના ડ્રાઇવરે કાબૂ ગુમાવ્યો અને કાર અકસ્માતગ્રસ્ત થઈ ગઈ. પૉલ વૉકનાર કરોડો ફૅન્સ હતાં. પૉલની ફિ્લમ સિરીઝ ફાસ્ટ એન્ડ ફ્યુરિયસ બાળકોથી માંડી મોટેરા સુધી સૌની ફૅવરિટ સિરીઝ હતી. પૉલ 40 વર્ષના હતાં.

આ એક ખૂબ જ વિચિત્ર બાબત છે કે પૉલ વૉકરના નિધન અગાઉથી જ તેમના નિધન અંગે અફવાઓ ઉડતી રહી હતી, પરંતુ દરેક વખતે તે અફવા જ સાબિત થઈ હતી. જ્યારે પૉલના નિધનના સમાચાર ફરીથી આવ્યાં, તો કોઈને વિશ્વાસ જ નથયો. પૉલની કારમાં આગ કેમ લાગી અને તેમના અકસ્માતનું કારણ શુ હતું તે અંગે તપાસ ચાલી રહી છે.

મળતી માહિતી મુજબ પૉલ વૉકર શનિવારે સાઉથ કૅલીફોર્નિયામાં લગભગ બપોરે સાડા ત્રણ વાગ્યે પોતાની કારથી જતા હતાં કે તેમના ડ્રાઇવરે કાબૂ ગુમાવી દીધો અને થોડીક જ મિનિટમાં કાર રાખમાં બદલાઈ ગઈ. પૉલના નિધનના સમાચાર કન્ફર્મ થયા બાદ તેમના ફૅન્સ આઘાતમાં સરી પડ્યાં. કેટલાંક પત્રકારો આ સમાચારને સત્ય માનવા તૈયાર નહોતાં. પૉલની એક 15 વરસની પુત્રી છે મેડો. પોતાના છેલ્લા ટ્વીટમાં પૉલ વૉકરે પોતાની એક તસવીર પોતાના સાથી કલાકોર વીન ડીસલ તેમજ ટ્રીસે ગિબસન સાથે પોસ્ટ કરી હતી.

English summary

Paul Walker, star of The Fast and The Furious Hollywood movie series died in car accident. Paul Walker was just 40 years old. Paul Walker was known for his performance in the hit Hollywood series The Fast and The Furious.