યૂપીના ફાતમા બન્યાં કેબીસી 7ના પ્રથમ મહિલા કરોડપતિ!

મુંબઈ, 28 નવેમ્બર : આ વર્ષનો કૌન બનેગા કરોડપતિ આ રવિવારે સમાપ્ત થઈ જશે, પણ જતા-જતા આ શો આ સેશનની પ્રથમ મહિલા કરોડપતિ ભારતને આપતો જશે. આ સીઝનના પ્રથમ મહિલા કરોડપતિ બન્યા છે ઉત્તર પ્રદેશના ફિરોઝ ફાતમા કે જેઓ આ શોમાં એક કરોડ રુપિયા જીતશે. ફાતમાનો એપિસોડ રવિવારે જ પ્રસારિત તશે. કરોડપતિ બનયા બાદ શોના હોસ્ટ અમિતાભ બચ્ચન ઊભા થઈ ફાતમાને અભિનંદન આપશે.

ફિરોઝ પાતમાએ પોતાના પપ્પાની બીમારીની સારવાર કરાવવા માટે આ શોમાં ભાગ લીધો હતો. તેઓ વિજ્ઞાન વિષયમાં સ્નાતક છે અને સહારનપુરના નિવાસી છે. પોતાની જીત પર અત્યંત ખુશ થતાં કરોડપતિ ફાતમાએ જણાવ્યું - હું હૉટ સીટ પર પહોંચવાની આશા ગુમાવી બેઠી હતી, પરંતુ અંતે મને તક મળી જ ગઈ. ગત એપિસોડમાં હૉટ સીટ સુધી ન પહોંચી શકાતા હુ બહુ ગભરાઈ ગઈ હતી અને વિચાર્યુ હતું કે ખાલી હાથે ઘેર જવુ પડશે, પરંતુ ત્યારે જ મેં ફાસ્ટેસ્ટ ફિંગર ફર્સ્ટ રાઉન્ડમાં સફળતા મેળવી અને હૉટ સીટ માટેનો માર્ગ ખુલ્લો કરી લીધો.

ફિરોઝ ફાતમા પોતાના જ્ઞાન સાગરનો શ્રેય અખબારો તેમજ ન્યુઝ ચૅનલોને આપે છે. આ યુવાન મહિલા હવે પોતાના પિતાના ઋણમાંથી પરિવારને છુટકારો અપાવવા માંગે છે. આ સાથે જ સ્વર્ણિમ ભવિષ્ય બનાવવા માટે અભ્યાસમાં થોડાક પૈસા લગાવવા માંગે છે. કેબીસીમાં આવવું, એક કરોડ રુપિયા જીતવું અને અમિતાભ બચ્ચન સાથે ગેમ રમવી... આ બધુ ફિરોઝ ફાતમા માટે કોઈ સપનાથી ઓછુ નહોતું. ફાતમાએ જણાવ્યું - મને હવે લાગે છે કે જાણે હું કોઈ સપનું જોઈ રહી હોઉં કે જે ખૂબ સુંદર છે.

English summary

Firoz Fatma from Saharanpur has emerged the first female crorepati of the 2013 edition of popular reality TV game show 'Kaun Banega Crorepati' (KBC).