Wedding : નિકિતિન-કૃતિકાના ધામધૂમપૂર્વક થયા લગ્ન, રિસેપ્શનમાં ઉમટી સેલિબ્રિટીઓ...

| Published: Thursday, September 4, 2014, 16:40 [IST]

મુંબઈ, 4 સપ્ટેમ્બર : ફિલ્મ ચેન્નઈ એક્સપ્રેસનો થંગબલી યાદ છે? એ જ થંગબલી કે જે રીલ લાઇફમાં મીનમ્મા (દીપિકા પાદુકોણે)ની પાછળ પડ્યો હતો, તેને રીયલ લાઇફમાં મીનમ્મા મળી ગઈ છે. હા જી, ખતરોં કે ખિલાડી 5ના ફાઇનલિસ્ટ અને ચેન્નઈ એક્સપ્રેસમાં થંગબલીનો રોલ કરી જાણીતા બનેલા નિકિતિન ધીર અને ટેલીવિઝન અભિનેત્રી કૃતિકા સેંગરના ગઈકાલે લગ્ન થઈ ગયાં. લગ્ન બાદ યોજાયેલ રિસેપ્શનમાં ટેલીવિઝન જગત અને બૉલીવુડ જગતની અનેક હસ્તીઓ ઉમટી પડી હતી.

નિકિતિન-કૃતિકાના લગ્નની તૈયારીઓ ઘણા દિવસથી ચાલતી હતી. પરમ દિવસે રાત્રે સંગીત સેરેમની યોજાઈ અને ગઈકાલે બંનેના ધામધૂમપૂર્વક લગ્ન સમ્પન્ન થયાં. આ પ્રસંગે નિકિતિનના પિતા પંકજ ધીર સહિત પરિજનો અને મહેમાનો મોટી સંખ્યામાં હાજર રહ્યા હતાં, તો ખતરોં કે ખિલાડી 5ના સાથી સ્પર્ધકો સહિત ટેલીવિઝન જગતની અનેક સેલિબ્રિટીઓએ પણ હાજરી આપી હતી. બૉલીવુડમાંથી હેમા માલિની, રઝા મુરાદ સહિતના સ્ટાર્સે આ પ્રસંગમાં હાજર રહી નવ-યુગલને આશીર્વાદ આપ્યા હતાં.

નિકિતિન ધીર શાહરુખ ખાન અભિનીત ચેન્નઈ એક્સપ્રેસ ફિલ્મમાં થંગબલીનો રોલ કર્યા બાદ લાઇમલાઇટમાં આવ્યા હતાં, તો સુંદર ટેલીવિઝન અભિનેત્રી કૃતિકા સેંગર ઝાંસી કી રાની તથા પુનર્વિવાહ જેવા શો માટે જાણીતા છે. નિકિતિન-કૃતિકાના આ લગ્ન ઍરેંજ-સહ-લવ મૅરેજ હશે.

ચાલો જોઇએ નિકિતિન-કૃતિકાના લગ્ન સમારંભની તસવીરી ઝલક :