આનંદી તરીકે નવા તોરલ ટીવી જગતમાં જાણીતા ચહેરા

Published: Friday, March 1, 2013, 12:54 [IST]

મુંબઈ, 1 માર્ચ : કલર્સના સુપરહિટ શો બાલિકા વધુની આનંદી બદલાઈ ગઈ છે. હા જી, આપની આનંદીનો રોલ હવે પ્રત્યુષા બૅનર્જી નહીં, પણ તોરલ રાસપુત્રા કરવાના છે. તોરલ ભલે બાલિકા વધુ માટે નવા ચહેરા હોય, પણ ટેલીવિઝનની દુનિયા માટે નવું નામ નથી. તેઓ કેસરિયા બાલમ આવો હમારે દેશ, છોટી સી ઝિંદગી અને યહાં કે હમ સિકંદર જેવા શોમાં કામ કરી ચુક્યાં છે. તોરલ કચ્છી ગુજરાતી છે. તેમનો જન્મ અંજાર ખાતે થયો છે.

તોરલને અર્થ ફિલ્મમાં સ્મિતા પાટિલનો રોલ ખૂબ ગમે છે. દિલવાલે દુલ્હનિયા લે જાયેંગે તેમની મનપંદ ફિલ્મ છે કે જે તેઓ અનેક વાર જોઈ ચુક્યાં છે અને દરેક વખતે ફિલ્મ તેમને ગમે છે. તોરલને એવો જીવનસાથી જોઇએ કે જે નિખાલસ અને પ્રામાણિક હોય. તોરલને ખબર છે કે બાલિકા વધુમાં આનંદીનો રોલ ખૂબ લોકપ્રિય છે અને લોકો પ્રત્યુષાને આ રોલ માટે ખૂબ પસંદ પણ કરે છે. એવામાં તેઓ લોકોના દિલોમાં આનંદી તરીકે પ્રત્યુષાના સ્થાને જગ્યા બનાવી શકશે કે કેમ, તો જોવાનું રસપ્રદ રહેશે.

નોંધનીય છે કે આનંદીનો રોલ કરનાર પ્રત્યુષા બૅનર્જીની શોમાંથી વિદાય થઈ ગઈ છે. કહે છે કે શો સંચાલકો પ્રત્યુષાના નખરાંથી પરેશાન હતાં. તેથી તેમણે પ્રત્યુષાને શોમાંથી હાંકી કાઢ્યાં, પરંતુ આંતરિક સૂત્રોના જણાવ્યા મુબજ પ્રત્યુષાને વિક્રમ ભટ્ટની ફિલ્મમાં હીરોઇનનો રોલ મળી ગયો છે. તેથી તેમણે નખરાં શરૂ કર્યા હતાં કે જેથી હેરાન થઈ શો વાળા પોતે જ તેમને શોમાંથી બહારનો રસ્તો બતાવવા મજબૂર થઈ ગયાં.

Published On March 1, 2013