ગુજરાતમાં NCBનુ સૌથી મોટુ ઑપરેશન, એમડી ડ્રગ્ઝની ફેક્ટરી પર 20 કલાક રેડ, રેકેટનો પર્દાફાશ

ગુજરાતમાં અમદાવાદ નાર્કોટિક્સ કંટ્રોલ બ્યૂરો(NCB)ની ટીમે અત્યાર સુધીનુ સૌથી મોટુ ઑપરેશન કર્યુ છે.

અમદાવાદઃ ગુજરાતમાં અમદાવાદ નાર્કોટિક્સ કંટ્રોલ બ્યૂરો(NCB)ની ટીમે અત્યાર સુધીનુ સૌથી મોટુ ઑપરેશન કર્યુ છે. એનસીબીની ટીમે પહેલી વાર વાપી-વલસાડમાં ડ્રગ્ઝના મેન્યુફેક્ચરીંગ યુનિટ પર રેડ પાડી જે લગભગ 20 કલાક સુધી ચાલી. એનસીબીને ત્યાંથી 4.5 કિલોગ્રામ એમડી ડ્રગ્ઝ મળી આવ્યુ. ડ્રગ્ઝના મેન્યુફેક્ચરીંગ યુનિટ એટલે કે નશાની ફેક્ટરીમાંથી 85 લાખ રૂપિયાની રોકડ પણ જપ્ત કરવામાં આવી છે.

સૌથી મોટા ડ્રગ્ઝ રેકેટનો પર્દાફાશ

અમદાવાદ નાર્કોટિક્સ કંટ્રોલ બ્યુરો(NCB)ના અધિકારીએ જણાવ્યુ કે ગુજરાતમાં ગેરકાયદે ડ્રગ્ઝના વેચાણ પર લગામ કસવા માટે નાર્કોટિક્સ કંટ્રોલ બ્યુરોની ટીમે વાપી અને વલસાડમાં રેડ પાડી. જેમાં 4.5 કિલોગ્રામ એમડી ડ્રગ્ઝના જથ્થા સાથે બે વ્યક્તિની ધરપકડ કરવામાં આવી છે. આ લોકોની ઓળખ પ્રકાશ પટેલ અને સોનૂ રામનિવાસ તરીકે થઈ છે. હાલમાં તેમની પૂછપરછ ચાલી રહી છે ત્યારબાદ તેમના રેકેટની વધુ માહિતી સામે આવશે.

રાજ્યમાં પહેલી વાર પાડવામાં આવી રેડ

એનસીબીના અધિકારીના જણાવ્યા મુજબ ડ્રગ્ઝ રેકેટ સામે સૌથી મોટા ઑપરેશનને અંજામ આપવામાં આવ્યો છે. આ ઑપરેશનમાં જે લોકો હાથમાં આવ્યા તેમની પાસેથી મોટી માત્રામાં ડ્રગ્ઝ અને રોકડ રકમ પણ જપ્ત કરવામાં આવી છે. આ ઉપરાંત નાર્કોટિક્સ કંટ્રોલ બ્યુરોએ ડ્રગ્ઝના વેપારથી થયેલી આવકની પણ માહિતી મેળવી છે. જણાવવામાં આવી રહ્યુ છે કે ડ્રગ્ઝ રેકેટ પર રેડ પાડવા માટે નાર્કોટિક્સની ટીમ છેલ્લા ઘણા દિવસોથી પોતાની નજર રાખી રહી હતી. અહીં ડ્રગ્ઝમાં મેન્યુફેક્ચરીંગ યુનિટ પર રેડ પહેલી વાર થઈ છે.

બહુ મોંઘી વેચાય છે એમડી ડ્રગ્ઝ

એક્સપર્ટસના જણાવ્યા મુજબ એમડી ડ્રગ્ઝને મેફેડિન ડ્રગ્ઝ કહેવામાં આવે છે. આ ઘણી મોંઘી વેચાય છે. ગુજરાતમાં તેના સપ્લાયર્સ પર પહેલા પણ કાર્યવાહી થતી રહી છે. આ વર્ષે જૂન મહિનાની શરૂઆતમાં સ્પેશિયલ ઑપરેશન ગ્રુપ(એસઓજી)એ પાલનપુરમાં કારથી આવી ડ્રગ્ઝ લઈ જતા ત્રણ લોકોને પકડ્યા હતા. એસઓજીની એ કાર્યવાહી આકેણ-વીર વેડચા રોડ પર થઈ જ્યાં એક કારનો પીછો કરીને લગભગ 3 લાખ રૂપિયાની કિંમતની એમડી ડ્રગ(મેફેડિન ડ્રગ) જપ્ત કરવામાં આવી. પાલનપુર એસઓજી પોલિસના ઉપ નિરીક્ષક એમકે ઝાલાએ કહ્યુ હતુ કે પકડાયેલા 2 લોકો રાજસ્થાનથી આવ્યા હતા. ઝાલાના જણાવ્યા મુજબ પકડાયેલા આરોપીઓની ઓઓળક ઝાલોર જિલ્લાા બાગોડા તાલુકાના ડુંગરવા ગામના નિવાસી પ્રકાશ કુમાર મફતલાલ ખત્રી, બનાસકાંઠા જિલ્લાના વાવ તાલુકાના દૈયપ ગામના નિવાસી પ્રવીણ પુરી રામપુરી ગોસ્વામી અને ડીસા નિવાસી કમલેશ કુમાર રમણીકલાલ સોની તરીકે થઈ.

English summary

Ahmedabad Narcotics Control Bureau (NCB)raids on manufacturing unit of drugs in Vapi-Valsad, big pperation completed