દેશમાં ટૂંક સમયમાં બનશે સેમીકન્ડક્ટર, માઇક્રોન અને ગુજરાત સરકાર વચ્ચે થશે MOU

અમેરિકન કંપની સ્ટોરેજ ચિપ નિર્માતા માઇક્રોન ટેક્નોલોજી અને ગુજરાત સરકાર વચ્ચે બુધવારના રોજ અમદાવાદ જિલ્લાના સાણંદમાં સેમીકન્ડક્ટર અસેમ્બલી અને પરિક્ષણ સુવિધા માટે એક મેમોરેન્ડમ ઓફ અડરસ્ટેન્ડિગ પર હસ્તાક્ષર કરશે.

ગુજરાત રાજ્ય સરકાર દ્વારા મંગળવારના રોજ આ માહિતી આપી હતી. સરકાર દ્વારા જાહેર કરવામાં આવેલા એક નિવેદનમાં જણાવવામાં આવ્યું હતું કે, બુધવારની સાંજે ગાંધીનગરમાં મુખ્યમંત્રી ભૂપેન્દ્ર પટેલ અને અન્ય મહાનુભાવોની હાજરીમાં આ કરાર કરવામાં આવશે.

અમેરિકન ચિપ નિર્માતા કંપની દ્વારા 22 જૂનના રોજ જાહેરાત કરવામાં આવી હતી કે, તે ગુજરાતમાં સેમિકન્ડક્ટર એસેમ્બલી અને ટેસ્ટિંગ ફેસિલિટી સ્થાપશે. આ કામ માટે લગભગ 22,540 કરોડ રૂપિયાનું રોકાણ કરવામાં આવશે. આ અગાઉ કંપનીએ એક નિવેદનમાં જણાવ્યું હતું કે, તે વર્ષ 2023 માં શરૂ થવાની અપેક્ષા છે.

આ અગાઉ ટેલિકોમ, ઈલેક્ટ્રોનિક્સ અને આઈટી મંત્રી અશ્વિની વૈષ્ણવે જણાવ્યું હતું કે, ગુજરાતમાં અમેરિકન કંપની માઈક્રોનના સેમિકન્ડક્ટર પ્લાન્ટમાં આવતા વર્ષે ડિસેમ્બરથી ચિપનું ઉત્પાદન શરૂ થશે.

અશ્વિની વૈષ્ણવે જણાવ્યું હતું કે, ઓટોમોબાઈલ, ઈલેક્ટ્રોનિક્સ, ટીવી, ફ્રિજ, સ્માર્ટ ફોન, ઈલેક્ટ્રિક વ્હીકલ અને ડિફેન્સ સેક્ટર જેવી કન્ઝ્યુમર ગૂડ્ઝને મોટો ફાયદો થશે અને દેશમાં સેમિકન્ડક્ટરના ઉત્પાદનથી નવી નોકરીઓનું સર્જન થશે.

English summary

Semiconductor will be produce in the country, there will be an MOU between Micron and Gujarat Government