ચોટીલા પાસે થાનના મેળામાં પોલીસ ફાયરિંગમાં 3નાં મોત

Updated: Wednesday, November 5, 2014, 13:22 [IST]

રાજકોટ, 23 સપ્ટેમ્બર : રાજકોટ જિલ્લાના ચોટીલા પાસેના થાનમાં ચાલી રહેલા મેળામાં આજે બે જૂથ વચ્ચે બોલાચાલી બાદ ઝગડાએ ઉગ્ર સ્વરૂપ ધારણ કરતા સ્થિતિ વણસી હતી. સ્થિતિને કાબૂમાં લેવા માટે પોલીસે ફાયરિંક કરવાની ફરજ પડી હતી. જેમાં 3નાં મોત થયા હતા. સુરક્ષાને ધ્યાનમાં રાખીને વિસ્તારમાં કરફ્યુ જાહેર કરી એસઆરપીની ટુકડી બોલાવી લેવામાં આવી હતી. હાલ, સ્થિતિ કાબૂમાં છે.

સૂત્રોના જણાવ્યા અનુસાર પુરુષોત્તમ માસમાં યોજાયેલા મેળામાં કોઇ બાબતે મેળામાં બોલાચાલી થઇ હતી. જેમાં બે જૂથો આમને સામને આવી ગયા હતી. ઝગડો વધતા મારા મારી થઇ હતી. સ્થિતિ વણસી જતા સ્થાનિક પોલીસે તાત્કાલિક ધોરણે પગલાં લીધા હતા અને કરફ્યુ જાહેર કર્યો હતો.