ફ્લાઈટમાં બોમ્બ હોવાના સમાચાર મળતા જામનગરમાં ઈમરજન્સી લેન્ડિંગ કરાયુ, પોલીસ કાફલો ઘટના સ્થળે

બોમ્બ હોવાના સમાચાર મળતા જ ફ્લાઈટનું જામનગર એરપોર્ટ પર તાત્કાલિક ઈમરજન્સી લેન્ડિંગ કરાયુ હતું. લેન્ડિંગ બાદ ઉચ્ચ પોલીસ અધિકારીઓ સહિત પોલીસ કાફલો, બૉમ્બ સ્કવોર્ડ અને એમ્બ્યુલન્સની ટીમ તાત્કાલિક એરપોર્ટ પહોંચી છે.

By Desk

Updated: Monday, January 9, 2023, 22:41 [IST]

જામનગર : જામનગરમાં એક ફ્લાઈટનું ઈમરજન્સી લેન્ડિંગ કરાયુ હોવાની માહિતી સામે આવી રહી છે. મળતી વિગતો અનુસાર ગોવા જઈ રહેલી ફ્લાઈટનું જામનગર એરપોર્ટ ખાતે ઈમરજન્સી લેન્ડિંગ કરાયું છે.

ઘટનાને લઈને ઉચ્ચ પોલીસ અધિકારીઓનો કાફલો ઘટના સ્થળે પહોંચ્યો છે અને તપાસ કરાઈ છે. મળતી વિગતો અનુસાર, આ ફ્લાઈટ ગોવાથી મેક્સિકો જઈ રહી હતી અને તેમાં બોમ્બ હોવાના સમચાર મળ્યા હતા.

બોમ્બ હોવાના સમાચાર મળતા જ ફ્લાઈટનું જામનગર એરપોર્ટ પર તાત્કાલિક ઈમરજન્સી લેન્ડિંગ કરાયુ હતું. લેન્ડિંગ બાદ ઉચ્ચ પોલીસ અધિકારીઓ સહિત પોલીસ કાફલો, બૉમ્બ સ્કવોર્ડ અને એમ્બ્યુલન્સની ટીમ તાત્કાલિક એરપોર્ટ પહોંચી છે.

અહેવાલો અનુસાર, ફ્લાઈટમાં વિદેશી પેસેન્જરો હોવાની પણ માહિતી છે. હાલ પોલીસ અધિકારીઓ અને બોમ્બ સ્કોવ્ડ દ્વારા તપાસ કરાઈ રહી છે.