જુઓ વીડિયો: કેજરીવાલની શરમજનક કરતૂત, ગુજરાતમાં 3 સ્થળો પર ભર્યો નહી ટોલ ટેક્સ

અમદાવાદ, 13 માર્ચ: ભ્રષ્ટાચારનો ખાત્મો અને નિયમો અને કાયદાની મોટી મોટી વાતો કરનાર આમ આદમી પાર્ટીના સંયોજક અરવિંદ કેજરીવાલે ગુજરાત પ્રવાસ દરમિયાન જે દાવો કર્યો તે એકદમ શરમજનક છે. પોતાની પાર્ટીના અન્ય સભ્યોની સાથે ગુજરાતના મુખ્યમંત્રી નરેન્દ્ર મોદીના વિકાસના દાવાઓની તપાસ માટે રાજ્યના પ્રવાસ દરમિયાન ત્રણ સ્થળો પર ટોલ ટેક્સ આપ્યો ન હોવાનો આરોપ છે. ગુજરાત સરકારના પ્રવક્તા અને નાણાં મંત્રી નિતિન પટેલે આરોપ લગાવ્યો છે કે તેમણે પાટણ જિલ્લાના વારાહી ટોલ નાકા અને કચ્છ જિલ્લાના સૂરજવાડી અને સામખયાળીમાં ટોલ ટેક્સ ચૂકવ્યો ન હતો.

નિતિન પટેલે દાવો કર્યો છે કે ભાજપના પૂર્વ ધારાસભ્ય કનુભાઇ કલસારિયા પણ તેમની સાથે યાત્રા કરી રહ્યાં હતા. તેમણે પોતાની કાર રોકી નહી જ્યારે ટોલ નાકાના કર્મચારીઓએ તેમને આમ કહ્યું હતું. આ આરોપો પર પ્રતિક્રિયા વ્યક્ત કરતાં આપના પ્રદેશ સંયોજક સુખદેવ પટેલે કહ્યું હતું કે અમારી પર આ પ્રકારના આરોપો લગાવતાં પહેલાં તેમને પોતાનો ઇતિહાસ તપાસવો જોઇએ. તેમને વિઠ્ઠલ રાદડિયાને પોતાની પાર્ટીમાં લીધા, જેમના પર ટોલ ટેક્સ માંગવાના મુદ્દે ટોલનાકાના કર્મચારીને બંદૂક બતાવવાનો આરોપ છે.

તમને જણાવી દઇએ કે દિલ્હીના ભૂતપૂર્વ મુખ્યમંત્રી હોવાના લીધે કદાચ તેમને ટેક્સમાં છૂટ મળી શકે છે, પરંતુ તેમના કાફલાને નહી. તેમની સાથે મનીષ સિસોદિયા, કનુભાઇ કલસરિયા સહિત કેટલાક અન્ય નેતાઓએ ટેક્સ ભર્યો ન હતો. રાજ્ય સરકારે આ મુદ્દાને સંજ્ઞાનમાં લેતાં આ ટોલનાકાના વીડિયો ફૂટેજ મંગાવ્યા હતા, જેનાથી જાણી શકાય કે અરવિંદ કેજરીવાલે ટેક્સ ભર્યો હતો કે નહી. તો આવો તે ત્રણ વીડિયોને સ્લાઇડમાં જોઇએ, જે સ્પષ્ટપણે સાબિત કરી શકે છે કે અરવિંદ કેજરીવાલ નિયમોના ધજાગરા કેવી રીતે ઉડાવી રહ્યાં છે.